ಕಾಸರಗೋಡು: ಅಕ್ರಮ ಚಿನ್ನ ಸಾಗಾಟ; ಕುಂಬಳೆ ನಿವಾಸಿಯ ಬಂಧನ

ಕಾಸರಗೋಡು: ಗಲ್ಫ್ ನಿಂದ ಅಕ್ರಮವಾಗಿ ಸಾಗಿಸಿದ್ದ ಸುಮಾರು 87.75 ಲಕ್ಷ ರೂ. ಮೌಲ್ಯದ 1517.5 ಗ್ರಾಂ ಚಿನ್ನಾಭರಣ ಸಹಿತ ಕುಂಬಳೆ ನಿವಾಸಿಯನ್ನು ಕಣ್ಣೂರು ವಿಮಾನ ನಿಲ್ದಾಣ ದಿಂದ ವಶಕ್ಕೆ ತೆಗೆದು ಕೊಳ್ಳಲಾಗಿದೆ.

ಬಂಧಿತನನ್ನು ಕುಂಬಳೆ ನಿವಾಸಿ ಸಲ್ಮಾನ್ ಫರೀದ್ ಎಂದು ಗುರುತಿಸಲಾಗಿದೆ. ಸಂಶಯ ಗೊಂಡು ಫರೀದ್ ನ ಬ್ಯಾಗನ್ನು ತಪಾಸಣೆ ನಡೆಸಿದಾಗ ಚಿನ್ನಾಭರಣ ಪತ್ತೆಯಾಗಿದೆ.

ಟ್ರೋಲಿ ಬ್ಯಾಗ್ ನೊಳಗೆ ಬಚ್ಚಿಟ್ಟು ಸಾಗಾಟ ಮಾಡುತ್ತಿದ್ದ ಎಂದು ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.