ನ್ಯೂಝಿಲಾಂಡ್ ಗೆ ಗೆಲ್ಲಲು 283 ಗುರಿ ನೀಡಿದ ಇಂಗ್ಲೆಂಡ್
Update: 2023-10-05 18:18 IST
Photo: @ICC
ಅಹ್ಮದಾಬಾದ್ : ಇಲ್ಲಿನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ವಿಶ್ವಕಪ್ ಕ್ರಿಕೆಟ್ ನ ಮೊದಲ ಪಂದ್ಯದಲ್ಲಿ ಇಂಗ್ಲೆಂಡ್ ತಂಡ ನ್ಯೂಝಿಲಾಂಡ್ ಗೆ ಗೆಲ್ಲಲು 283 ರನ್ ಗಳ ಗುರಿ ನೀಡಿದೆ. ಟಾಸ್ ಗೆದ್ದ ನ್ಯೂಜಿಲೆಂಡ್ ಬ್ಯಾಟಿಂಗ್ ಮಾಡಲು ಇಂಗ್ಲೆಂಡ್ ತಂಡವನ್ನು ಆಹ್ವಾನಿಸಿತು. ಇಂಗ್ಲೆಂಡ್ 50 ಓವರ್ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 282 ರನ್ ಗಳಿಸಿತು.
ಜೋ ರೂಟ್ (77) ಮತ್ತು ಜೋಸ್ ಬಟ್ಲರ್ (43) ಹೊರತುಪಡಿಸಿ, ಇಂಗ್ಲೆಂಡ್ ಕಡೆಯಿಂದ ಉತ್ತಮ ಪ್ರದರ್ಶನ ತೋರಲಿಲ್ಲ. ಹಾಗಾಗಿ ಇಂಗ್ಲೆಂಡ್ನ ಆಕ್ರಮಣಕಾರಿ ಬ್ಯಾಟಿಂಗ್ ಸ್ವಲ್ಪ ಮಟ್ಟಿಗೆ ಕುಸಿಯಿತು. ಜಾನಿ ಬೈರ್ಸ್ಟೋವ್ ಅವರು ಇಂಗ್ಲೆಂಡ್ ಇನ್ನಿಂಗ್ಸ್ಗೆ ಆಕ್ರಮಣಕಾರಿ ಆರಂಭ ನೀಡಿದರು. ವಿಕೆಟ್ಗಳ ಪತನಗಳು ಅವರ ಆಟದ ಮೆರುಗನ್ನು ಕಡಿಮೆ ಮಾಡಿತು.
ನ್ಯೂಝಿಲಾಂಡ್ ಪರ ಮ್ಯಾಟ್ ಹೆನ್ರಿ 3 ವಿಕೆಟ್ ಪಡೆದರು. ಗ್ಲೆನ್ ಪಿಲಿಪ್ಸ್, ಮಿಷೆಲ್ ಸ್ಯಾಂಟ್ನರ್ ತಲಾ 2 ವಿಕೆಟ್ ಪಡೆದರು. ಟ್ರೆಂಟ್ ಬೌಲ್ಟ್, ರಚಿನ್ ರವೀಂದ್ರ ತಲಾ ಒಂದು ವಿಕೆಟ್ ಪಡೆದರು.