ಮಗಳ ಹೆಸರಿನ ಹಿಂದಿನ ಕಥೆ ಹಂಚಿಕೊಂಡ ಕುಸ್ತಿಪಟು ಸಾಕ್ಷಿ ಮಲಿಕ್ !

ಹೊಸದಿಲ್ಲಿ : ಭಾರತೀಯ ಕುಸ್ತಿಪಟು ಸಾಕ್ಷಿ ಮಲಿಕ್ ತನ್ನ ಪುಟ್ಟ ಮಗಳ ಹೆಸರಿನ ಹಿಂದಿನ ಒಂದು ಸಣ್ಣ ಕಥೆಯನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

ಈ ಕುರಿತು ಫೇಸ್ ಬುಕ್‌ನಲ್ಲಿ ಪೋಸ್ಟ್ ಮಾಡಿರುವ ಕುಸ್ತಿಪಟು ಸಾಕ್ಷಿ ಮಲಿಕ್, ಸೌರಿ ಯೋಶಿಡಾ 4 ಬಾರಿ ಒಲಿಂಪಿಕ್ ಚಾಂಪಿಯನ್ ಮತ್ತು ಜಪಾನಿನ ಪ್ರಸಿದ್ಧ ಕುಸ್ತಿಪಟು. ನಾನು ನನ್ನ ಕುಸ್ತಿ ಪ್ರಯಾಣವನ್ನು ಪ್ರಾರಂಭಿಸಿದಾಗ, ಒಂದು ದಿನ ಅವರನ್ನು ಭೇಟಿಯಾಗಬೇಕೆಂಬ ದೊಡ್ಡದಾದ ಆಸೆ ನನಗಿತ್ತು ಮತ್ತು ಅಂತಿಮವಾಗಿ ನಾನು ಅದನ್ನು ಮಾಡಿದೆ ಎಂದು ಹೇಳಿದ್ದಾರೆ.

ನನಗೆ ಹೆಣ್ಣು ಮಗು ಜನಿಸಿದರೆ ನಾನು ಅವಳಿಗೆ ಯೋಶಿಡಾ ಎಂದು ಹೆಸರಿಡುತ್ತೇನೆ ಎಂದು ಆ ಕ್ಷಣದಿಂದ ನನಗೆ ನಾನೇ ಒಂದು ಭರವಸೆ ನೀಡಿದ್ದೆ. ತದನಂತರ, ಅದೃಷ್ಟ ಎಂಬಂತೆ ನಾವಿಬ್ಬರೂ 2016ರಲ್ಲಿ ರಿಯೊ ಒಲಿಂಪಿಕ್ಸ್‌ನಲ್ಲಿ ಒಟ್ಟಿಗೆ ಪದಕಗಳನ್ನು ಗೆದ್ದುಕೊಂಡಿದ್ದೇವೆ.

ನನ್ನ ಮಗಳು ಕುಸ್ತಿಪಟು ಆಗುತ್ತಾಳೋ, ಇಲ್ಲವೋ, ಅದು ಅವಳ ನಿರ್ಧಾರವಾಗಿದೆ. ಆದರೆ, ಅವಳು ಎಲ್ಲಕ್ಕಿಂತ ಹೆಚ್ಚಾಗಿ ದಯೆ ಮತ್ತು ಒಳ್ಳೆಯ ಮಾನವಳಾಗಿ ಬೆಳೆಯುತ್ತಾಳೆ ಎಂದು ನಾನು ನಿಜವಾಗಿಯೂ ಆಶಿಸುತ್ತೇನೆ ಎಂದು ಬರೆದುಕೊಂಡಿದ್ದಾರೆ.

Full View