ಹೆಬ್ರಿ, ಕಾರ್ಕಳದಲ್ಲಿ ಉತ್ತಮ ಮಳೆ

ಉಡುಪಿ, ಆ.27: ಕರಾವಳಿ ಜಿಲ್ಲೆಗಳಲ್ಲಿ ಮುಂದಿನ ಕೆಲವು ದಿನ ಆರೆಂಜ್ ಅಲರ್ಟ್ ಘೋಷಣೆಯಾಗಿರುವಂತೆ ಉಡುಪಿ ಜಿಲ್ಲೆಯ ಹೆಬ್ರಿ ಹಾಗೂ ಕಾರ್ಕಳ ತಾಲೂಕುಗಳಲ್ಲಿ ಉತ್ತಮ ಮಳೆಯಾದ ವರದಿಗಳು ಬಂದಿವೆ.

ಇಂದು ಬೆಳಗ್ಗೆ 8:30ಕ್ಕೆ ಕೊನೆಗೊಂಡಂತೆ ಹಿಂದಿನ 24 ಗಂಟೆಗಳಲ್ಲಿ ಹೆಬ್ರಿಯಲ್ಲಿ 67.6ಮಿ.ಮೀ. ಮಳೆಯಾದರೆ, ಕಾರ್ಕಳ ದಲ್ಲಿ 56.2ಮಿ.ಮೀ. ಮಳೆಯಾಗಿದೆ. ಉಡುಪಿ ಜಿಲ್ಲೆಯಲ್ಲಿ ಸರಾಸರಿ 49.6ಮಿ.ಮೀ. ಮಳೆ ಸುರಿದಿದೆ.

ಉಳಿದಂತೆ ಉಡುಪಿ ಜಿಲ್ಲೆಯ ಬೈಂದೂರಿನಲ್ಲಿ 50.9, ಕಾಪುವಲ್ಲಿ 42.7, ಕುಂದಾಪುರದಲ್ಲಿ 42.1, ಉಡುಪಿಯಲ್ಲಿ 42.0 ಹಾಗೂ ಬ್ರಹ್ಮಾವರದಲ್ಲಿ 41.3ಮಿ.ಮೀ ಮಳೆಯಾಗಿದೆ.