iPhone 18 Pro ಬೇಡಿಕೆ ಕುಸಿತ | ಬಿಡಿಭಾಗಗಳ ಆರ್ಡರ್ ಕಡಿತಗೊಳಿಸಿದ ಆಪಲ್; ಷೇರು ಬೆಲೆಯಲ್ಲೂ ಇಳಿಕೆ!

ನಿರೀಕ್ಷೆಗಿಂತ ಕಡಿಮೆ ಬೇಡಿಕೆಯ ಕಾರಣದಿಂದಾಗಿ ಆಪಲ್ ಈ ತಿಂಗಳು ಐಫೋನ್ 18 ಪ್ರೊ ಮಾದರಿಗಳ ಬಿಡಿಭಾಗಗಳ ಆರ್ಡರ್‌ ಗಳನ್ನು ಕನಿಷ್ಠ ಶೇ. 15ರಷ್ಟು ಕಡಿತಗೊಳಿಸಿದೆ ಎಂದು ವರದಿಯಾದ ಹಿನ್ನೆಲೆಯಲ್ಲಿ ವಹಿವಾಟಿನಲ್ಲಿ ಕಂಪೆನಿಯ ಷೇರುಗಳು ಶೇ. 1.6ಕ್ಕಿಂತ ಹೆಚ್ಚು ಕುಸಿದಿವೆ.

AI ಉದ್ಯಮದಿಂದಾಗಿ ಮೆಮೊರಿ ಚಿಪ್‌ ಗಳ ಬೆಲೆ ಏರಿಕೆಯಾದ ಕಾರಣ, ಹಿಂದಿನ ವರ್ಷದ ಮಾದರಿಗಳಿಗಿಂತ ಹೆಚ್ಚಿನ ಬೆಲೆ ಹೊಂದಿದ್ದ ಹೊಸ ಐಫೋನ್ 18 ಪ್ರೊ ಮತ್ತು ಐಫೋನ್ 18 ಪ್ರೊ ಮ್ಯಾಕ್ಸ್ ಫೋನ್‌ ಗಳಿಗೆ ಬೇಡಿಕೆ ನಿಧಾನವಾಗಿದೆ. ಹೀಗಾಗಿ, ಆಪಲ್ ಅವುಗಳ ಬಿಡಿಭಾಗಗಳ ಆರ್ಡರ್‌ಗಳನ್ನು ಕಡಿತಗೊಳಿಸಿದೆ ಎಂಬ ವರದಿಯ ಬಳಿಕ ಶುಕ್ರವಾರದ ಆರಂಭಿಕ ಫ್ರೀ-ಮಾರ್ಕೆಟ್ ವಹಿವಾಟಿನಲ್ಲಿ ಕಂಪೆನಿಯ ಷೇರುಗಳು ಶೇ. 1.6ಕ್ಕಿಂತ ಹೆಚ್ಚು ಕುಸಿದವು.

ನಿರೀಕ್ಷೆಗಿಂತ ಕಡಿಮೆ ಬೇಡಿಕೆಯ ಕಾರಣದಿಂದಾಗಿ ಆಪಲ್ ಈ ತಿಂಗಳು ಐಫೋನ್ 18 ಪ್ರೊ ಮಾದರಿಗಳ ಬಿಡಿಭಾಗಗಳ ಆರ್ಡರ್‌ಗಳನ್ನು ಕನಿಷ್ಠ ಶೇ. 15ರಷ್ಟು ಕಡಿತಗೊಳಿಸಿದೆ ಎಂದು ನಿಕ್ಕಿ ಏಷ್ಯಾ ವರದಿ ಮಾಡಿದೆ. ಈ ವರದಿಯ ಹಿನ್ನೆಲೆಯಲ್ಲಿ ಕಂಪೆನಿಯ ಷೇರುಗಳ ಬೆಲೆಯಲ್ಲಿ ಇಳಿಕೆಯಾಗಿದೆ.

ಆಪಲ್ ಕಳೆದ ತಿಂಗಳು ಐಫೋನ್ 18 ಪ್ರೊ ಮತ್ತು ದೊಡ್ಡದಾದ ಪ್ರೊ ಮ್ಯಾಕ್ಸ್ ಮಾದರಿಗಳನ್ನು ಕ್ರಮವಾಗಿ 1,199 ಡಾಲರ್ ಮತ್ತು 1,299 ಡಾಲರ್ ಆರಂಭಿಕ ಬೆಲೆಗೆ ಬಿಡುಗಡೆ ಮಾಡಿತ್ತು. ಇದೀಗ ಐಫೋನ್ 17 ಪ್ರೊ ಮಾದರಿಗಳ ಬೆಲೆಯೂ ಬಿಡುಗಡೆಯ ಸಮಯದ ಬೆಲೆಗಿಂತ ಹೆಚ್ಚಾಗಿದೆ. ಹಿಂದಿನ ವರ್ಷಗಳಂತೆ ಆಪಲ್ ಪ್ರೀಮಿಯಂ ಪ್ರೊ ಮಾದರಿಗಳ ಜೊತೆಗೆ ಸಾಮಾನ್ಯ ಐಫೋನ್ 18 ಮಾದರಿಯನ್ನು ಬಿಡುಗಡೆ ಮಾಡಲಿಲ್ಲ. ಬದಲಿಗೆ, ಅದರ ಬಿಡುಗಡೆಯನ್ನು ಮುಂದಿನ ವರ್ಷದ ಆರಂಭದವರೆಗೆ ಮುಂದೂಡಲಾಗಿದೆ ಎಂದು ವರದಿಯಾಗಿದೆ.

ವರದಿಯಲ್ಲಿ ಉಲ್ಲೇಖಿಸಿರುವ ಪೂರೈಕೆ ಸರಪಳಿಯ ವ್ಯವಸ್ಥಾಪಕರ ಪ್ರಕಾರ, ಈ ವರ್ಷದ ದ್ವಿತೀಯಾರ್ಧದಲ್ಲಿ ಬೇಡಿಕೆಯು ಹಿಂದಿನ ವರ್ಷಗಳಷ್ಟು ಬಲವಾಗಿಲ್ಲ. ಇದಕ್ಕೆ ಸಾಮಾನ್ಯ ಐಫೋನ್ 18 ಮಾದರಿ ಲಭ್ಯವಿಲ್ಲದಿರುವುದೇ ಕಾರಣವಿರಬಹುದು. ಐಫೋನ್ 17 ಪ್ರೊನಲ್ಲಿ ಕಂಡುಬಂದ ಪ್ರಮುಖ ವಿನ್ಯಾಸ ಬದಲಾವಣೆಗೆ ವ್ಯತಿರಿಕ್ತವಾಗಿ, ಹೊಸ ಐಫೋನ್ 18 ಪ್ರೊ ಮಾದರಿಗಳಲ್ಲಿ ವೇಗವಾದ ಚಿಪ್ ಮತ್ತು ಅತ್ಯಾಧುನಿಕ ಮುಖ್ಯ ಕ್ಯಾಮೆರಾ ಅಳವಡಿಸಲಾಗಿದೆ. ಇವು ಅಸ್ತಿತ್ವದಲ್ಲಿರುವ ವಿನ್ಯಾಸದ ಮೇಲಿನ ಸುಧಾರಣೆಗಳಾಗಿವೆ.

ಬೇಡಿಕೆ ಕುಸಿತದ ವರದಿಯ ಬಳಿಕ ಶುಕ್ರವಾರದ ಆರಂಭಿಕ ಫ್ರೀ-ಮಾರ್ಕೆಟ್ ವಹಿವಾಟಿನಲ್ಲಿ ಆಪಲ್‌ನ ಷೇರು ಬೆಲೆ ಶೇ 1.6ರಷ್ಟು ಕುಸಿದು 334.89 ಡಾಲರ್‌ ಗೆ ತಲುಪಿದೆ ಎಂದು ವರದಿಯಾಗಿದೆ. ಆದರೆ, ಕಳೆದ ತಿಂಗಳ ಐಫೋನ್ ಕಾರ್ಯಕ್ರಮದ ಬಳಿಕ ಕಂಪೆನಿಯ ಷೇರುಗಳು ಸುಮಾರು ಶೇ. 8ರಷ್ಟು ಏರಿಕೆಯಾಗಿವೆ. ಈ ಕಾರ್ಯಕ್ರಮದಲ್ಲಿ ಕಂಪೆನಿಯು ಸುಧಾರಿತ ‘ಸಿರಿ’ AI ವೈಶಿಷ್ಟ್ಯಗಳೊಂದಿಗೆ ಹೊಸ ಆಪಲ್ ವಾಚ್ ಅನ್ನು ಸಹ ಪ್ರದರ್ಶಿಸಿತ್ತು.

ಐಫೋನ್ 18 ಪ್ರೊ ಮಾದರಿಗಳ ಜೊತೆಗೆ, ಆಪಲ್ ಕಳೆದ ತಿಂಗಳು ‘ಐಫೋನ್ ಡ್ಯುವೊ’ (iPhone Duo) ಅನ್ನು ಘೋಷಿಸಿತು. ಇದು ಪಾಸ್‌ಪೋರ್ಟ್ ಗಾತ್ರದ ಫೋನ್ ಆಗಿದ್ದು, ಇದರ ಒಳಗಿನ 7.6 ಇಂಚಿನ ಪರದೆಯನ್ನು ತೆರೆದಾಗ ಅದು ‘ಐಪ್ಯಾಡ್ ಮಿನಿ’ (iPad Mini) ಗಾತ್ರಕ್ಕೆ ಸಮನಾಗಿರುತ್ತದೆ. ಸ್ಯಾಮ್‌ಸಂಗ್, ಗೂಗಲ್ ಮತ್ತು ಇತರ ಆಂಡ್ರಾಯ್ಡ್ ಫೋನ್ ತಯಾರಕರು ಕಳೆದ ಕೆಲವು ವರ್ಷಗಳಿಂದ ತಮ್ಮದೇ ಆದ ಫೋಲ್ಡಬಲ್ ಫೋನ್‌ಗಳನ್ನು ಬಿಡುಗಡೆ ಮಾಡುತ್ತಿದ್ದರೂ, ಡ್ಯುವೊ ಆಪಲ್‌ನ ಮೊದಲ ಫೋಲ್ಡಬಲ್ ಸ್ಮಾರ್ಟ್‌ಫೋನ್ ಆಗಿದೆ. ಡ್ಯುವೊ ಆಪಲ್‌ನ ಅತ್ಯಂತ ದುಬಾರಿ ಫೋನ್ ಕೂಡ ಆಗಿದ್ದು, ಇದರ ಆರಂಭಿಕ ಬೆಲೆ 1,999 ಡಾಲರ್ ಆಗಿದೆ.

ಜೂನ್‌ನಲ್ಲಿ ಆಪಲ್‌ನ ಆಗಿನ CEO ಟಿಮ್ ಕುಕ್ ಅವರು ಚಿಪ್‌ಗಳ ಬೆಲೆ ಏರಿಕೆಯಿಂದಾಗಿ ಕಂಪೆನಿಯ ಸಾಧನಗಳ ಬೆಲೆ ಏರಿಕೆ ಅನಿವಾರ್ಯವಾಗಬಹುದು ಎಂದು ಹೇಳಿದ್ದರು. 2026ರ ಸೆಪ್ಟೆಂಬರ್‌ ನಲ್ಲಿ ಟಿಮ್ ಕುಕ್ CEO ಹುದ್ದೆಯಿಂದ ನಿರ್ಗಮಿಸಿದ್ದು, ಜಾನ್ ಟರ್ನಸ್ ಆಪಲ್‌ ನ CEO ಆಗಿದ್ದಾರೆ. ಕುಕ್ ಅವರು ಕಾರ್ಯಕಾರಿ ಅಧ್ಯಕ್ಷರಾಗಿ (Executive Chairman) ಮುಂದುವರಿದಿದ್ದಾರೆ.