ನಿವೃತ್ತ ಮುಖ್ಯ ನ್ಯಾಯಮೂರ್ತಿ ಎಸ್.ಎಚ್. ಕಪಾಡಿಯಾ ವಿಧಿವಶ

ಮುಂಬೈ, ಜ.5: ಸುಪ್ರೀಂ ಕೋರ್ಟ್‌‌ನ ನಿವೃತ್ತ ನ್ಯಾಯಮೂರ್ತಿ ಎಸ್.ಎಚ್. ಕಪಾಡಿಯಾ ಇಂದು ಬೆಳಗ್ಗಿನ  ಜಾವ ಮುಂಬೈನ ಖಾಸಗಿ ಆಸ್ಪತ್ರೆಯೊಂದರಲ್ಲಿ ಅಲ್ಪಕಾಲದ ಅಸೌಖ್ಯದಿಂದ ನಿಧನರಾದರು. ಅವರಿಗೆ 68 ವರ್ಷ  ವಯಸ್ಸಾಗಿತ್ತು.
ನ್ಯಾಯಮೂರ್ತಿ ಕಪಾಡಿಯಾ ಸುಪ್ರೀಂ ಕೋರ್ಟ್‌‌ನ 38ನೆ ಮುಖ್ಯನ್ಯಾಯಮೂರ್ತಿಯಾಗಿ ಮೇ 12, 2010ರಿಂದ ಸೆ.20, 2012ರ ತನಕ ಸೇವೆ ಸಲ್ಲಿಸಿದ್ದರು. ಮುಂಬೈ ಹೈಕೋರ್ಟ್‌‌ನಲ್ಲಿ ನ್ಯಾಯಮುರ್ತಿ, ಉತ್ತರಾಖಂಡ್‌ ಹೈಕೋರ್ಟ್‌‌ನಲ್ಲಿ ಮುಖ್ಯ ನ್ಯಾಯಮೂರ್ತಿಯಾಗಿ ಸೇವೆ ಸಲ್ಲಿಸಿ 2003, ಡಿಸೆಂಬರ್‌ 18ರಂದು ಸುಪ್ರೀಂ ಕೋರ್ಟ್‌‌ನ ನ್ಯಾಯಮೂರ್ತಿಯಾಗಿ ನೇಮಕಗೊಂಡಿದ್ದರು.