ಮುಲ್ಕಿಯ 17 ಗ್ರಾಮಗಳಿಗೆ ನೀರುಣಿಸುವ 18 ಲಕ್ಷ ರೂ. ವೆಚ್ಚದ ಬಹುಗ್ರಾಮ ಕುಡಿಯುವ ನೀರು ಯೋಜನೆ ಕಾಮಾಗಾರಿ ಸಂಪೂರ್ಣ

ಕಿನ್ನಿಗೋಳಿ, ಫೆ.11: ಮುಲ್ಕಿ ವ್ಯಾಪ್ತಿಯ 17 ಗ್ರಾಮಗಳಿಗೆ ನೀರುಣಿಸುವ 18 ಲಕ್ಷ ರೂ. ವೆಚ್ಚದ ಬಹುಗ್ರಾಮ ಕುಡಿಯುವ ನೀರು ಯೋಜನೆ ಕಾಮಾಗಾರಿ ಸಂಪೂರ್ಣವಾಗಿದೆ, ಈಗಾಗಲೇ ಕೆಲವು ಕಡೆ ನೀರು ನೀಡಲಾಗುತ್ತಿದೆ. ಚುನಾವಣೆಯ ಬಳಿಕ ವಿದ್ಯುಕ್ತವಾಗಿ ಚಾಲನೆ ನೀಡಲಾಗುವುದು ಎಂದು ಮುಲ್ಕಿ -ಮೂಡಬಿದಿರೆ ಶಾಸಕ ಹಾಗೂ ರಾಜ್ಯ ಕ್ರೀಡೆ , ಯುವಜನ ಸೇವೆ ಮೀನುಗಾರಿಕಾ ಸಚಿವ ಅಭಯ ಚಂದ್ರ ಜೈನ್ ಹೇಳಿದರು. ಅವರು ಕಿನ್ನಿಗೋಳಿ ರಾಜಾಂಗಣದಲ್ಲಿ ಆಯೋಜಿಸಲಾಗಿದ್ದ ಕಾಂಗ್ರೆಸ್ ಕಾರ್ಯಕರ್ತರ ಸಭೆಯಲ್ಲಿ ಮಾತನಾಡುತ್ತಿದ್ದರು.

  ಕಾಂಗ್ರೆಸ್ನ ಒಳಗಿರುವ ಸಣ್ಣ ಸಣ್ಣ ಭಿನ್ನಾಭಿಪ್ರಾಯಗಳನ್ನು ಬದಿಗಿಟ್ಟು ಮುಲ್ಕಿ - ಮೂಡಬಿದಿರೆ ವ್ಯಾಪ್ತಿಯ ಎಲ್ಲಾ ಜಿ.ಪಂ. ಹಾಗೂ ತಾ.ಪಂ.

  ಅಭ್ಯರ್ಥಿಗಳನ್ನು ಬಹುಮತಗಳಿಂದ ಗೆಲ್ಲಿಸಬೇಕೆಂದರು. ಇದೇ ಸಂದರ್ಭ ಸುಗಂಧಿ ಕೊಂಡಾಣ ರವರು ಕಾಂಗ್ರೇಸ್ ಪಕ್ಷಕ್ಕೆ ಮರು ಸೇರ್ಪಡೆಗೊಂಡರು. ಈ ಸಂದರ್ಭ ಕಾಂಗ್ರೆಸ್ ಹಿರಿಯ ಮುಖಂಡರಾದ ಅಬೂಬಕರ್ ಕಾರ್ನಾಡ್, ಗುಣಪಾಲ ಶೆಟ್ಟಿ, ಉಮಾವತಿ, ಜಿಲ್ಲಾ ಪಂಚಾಯತ್ ಅಭ್ಯರ್ಥಿ ಪ್ರಮೋದ್ ಕುಮಾರ್, ತಾಲೂಕು ಪಂ. ಅಭ್ಯರ್ಥಿ ಜೊಸ್ಸಿ ಪಿಂಟೊ, ಕಿಶೋರ್ ಶೆಟ್ಟಿ ದೆಪುಣಿಗುತ್ತು, ಮಯ್ಯದಿ ಗುತ್ತಕಾಡು, ಕೆ.ಪಿ.ಸಿ.ಸಿ ಕಾರ್ಯದರ್ಶಿ ಗುುರಾಜ್ ಪೂಜಾರಿ, ವಸಂತ್ ಬೆರ್ನಾರ್ಡ್, ಬಿ.ಎಂ.ಆಸೀಫ್, ಪಿಲೊಮಿನಾ ಸಿಕ್ವೇರಾ, ಶಾಲೆಟ್ ಪಿಂಟೋ ಮತ್ತಿತರರು ಇದ್ದರು.