ಕಾಸರಗೋಡು: ಮನೆಯಿಂದ ನಗ-ನಗದು ಕಳವು

ಕಾಸರಗೋಡು, ಜು.24: ಮನೆಯೊಂದಕ್ಕೆ ನುಗ್ಗಿರುವ ಕಳ್ಳರು ಎರಡೂವರೆ ಪವನ್ ಚಿನ್ನಾಭರಣ ಮತ್ತು 10 ಸಾವಿರ ರೂ. ನಗದು ಕಳವು ಮಾಡಿದ ಘಟನೆ ಸೀತಾಂಗೋಳಿ ಕಟ್ಟತ್ತಡ್ಕದಲ್ಲಿ ನಡೆದಿದೆ.

ಸೀತಾಂಗೋಳಿಯ ಹೇಮಲತಾ ಎಂಬವರ ಮನೆಯಲ್ಲಿ ಕಳ್ಳತನ ನಡೆದಿದ್ದು, ಮನೆಯಲ್ಲಿ ಯಾರೂ ಇಲ್ಲದ ಸಂದರ್ಭದಲ್ಲಿ ಹಿಂಬದಿ ಬಾಗಿಲಿನ ಬೀಗ ಮುರಿದು ಈ ಕೃತ್ಯ ನಡೆಸಲಾಗಿದೆ.

ಕಪಾಟಿನಲ್ಲಿದ್ದ ನಗ-ನಗದು ಕಳವು ಮಾಡಲಾಗಿದೆ. ಹೇಮಲತಾ ಅವರು ನೀಡಿದ ದೂರಿನಂತೆ ಕುಂಬಳೆ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.