ನ್ಯೂಝಿಲೆಂಡ್ ವಿರುದ್ಧದ ಮೊದಲ ಟೆಸ್ಟ್ :ಭಾರತ 318ಕ್ಕೆ ಆಲೌಟ್
Update: 2016-09-23 10:42 IST
ಕಾನ್ಪುರ, ಸೆ.23: ನ್ಯೂಝಿಲೆಂಡ್ ವಿರುದ್ಧದ ಮೊದಲ ಕ್ರಿಕೆಟ್ ಟೆಸ್ಟ್ ನಲ್ಲಿ ಭಾರತ 97 ಓವರ್ ಗಳಲ್ಲಿ 318 ರನ್ ಗಳಿಗೆ ಆಲೌಟಾಗಿದೆ.
ಇಲ್ಲಿನ ಗ್ರೀನ್ ಪಾರ್ಕ್ ಕ್ರೀಡಾಂಗಣದಲ್ಲಿ ಭಾರತದ ಐನೂರನೆ ಟೆಸ್ಟ್ ನಲ್ಲಿ ಎರಡನೆ ದಿನವಾಗಿರುವ ಇಂದು ಆಟ ಮುಂದುವರಿಸಿದ ಟೀಮ್ ಇಂಡಿಯಾ ನಿನ್ನೆಯ ಮೊತ್ತಕ್ಕೆ 7 ಓವರ್ ಗಳಲ್ಲಿ 27 ರನ್ ಸೇರಿಸಿತು. ಆಲ್ ರೌಂಡರ್ ರವೀಂದ್ರ ಜಡೇಜ 42 ರನ್(44ಎ, 7ಬೌ,1ಸಿ) ಗಳಿಸಿ ಅಜೇಯರಾಗಿ ಉಳಿದರು. ಮೊದಲ ದಿನದಾಟದಂತ್ಯಕ್ಕೆ ಭಾರತ 90 ಓವರ್ ಗಳಲ್ಲಿ 9 ವಿಕೆಟ್ ನಷ್ಟದಲ್ಲಿ 291 ರನ್ ಗಳಿಸಿತ್ತು.