ಶಾಲೆಗೆ ನುಗ್ಗಿ ಕಳವು

ಕಾಸರಗೋಡು, ಸೆ.30: ನಗರದ ಸರಕಾರಿ ಯು.ಪಿ. ಶಾಲೆಗೆ ನುಗ್ಗಿದ ಕಳ್ಳರು ನಗದು ಕಳವು ಮಾಡಿದ ಘಟನೆ ನಡೆದಿದೆ. ಶಾಲಾ ಕಟ್ಟಡದ 1ನೆ ಮಹಡಿಯಲ್ಲಿರುವ ಕಚೇರಿಯ ಬೀಗ ಮುರಿದು ಒಳನುಗ್ಗಿರುವ ಕಳ್ಳರು ಕಪಾಟುಗಳನ್ನು ಮುರಿದು, ಕಡತಗಳನ್ನು ಚೆಲ್ಲಾಪಿಲ್ಲಿಗೊಳಿಸಿದ್ದಾರೆೆ.

ಮೇಜಿನಲ್ಲಿದ್ದ 2,400 ರೂ. ಕಳವು ಮಾಡಿದ್ದಾರೆ. ಗುರುವಾರ ಸಂಜೆ ಶಾಲಾ ಕಚೇರಿಗೆ ಬೀಗ ಹಾಕಿ ತೆರಳಿದ್ದರು. ಶುಕ್ರವಾರ ಬೆಳಗ್ಗೆ ಮುಖ್ಯಶಿಕ್ಷಕಿ ಶಾಲೆಗೆ ಆಗಮಿಸಿದಾಗ ಕಳವು ನಡೆದಿರುವುದು ಬೆಳಕಿಗೆ ಬಂದಿದೆ.
ಕಚೇರಿಯ ಬೀಗ ಮುರಿಯಲು ಕಳ್ಳರು ಬಳಸಿದ ಕತ್ತಿ ಶಾಲೆಯ ಪರಿಸರದಲ್ಲಿ ಪತ್ತೆಯಾಗಿದೆ. ಕಾಸರಗೋಡು ಪೊಲೀಸರು ಸ್ಥಳಕ್ಕಾಗಮಿಸಿದ್ದು, ತನಿಖೆ ನಡೆಸುತ್ತಿದ್ದಾರೆ.