ಯುವತಿಯೊಂದಿಗೆ ಅಶ್ಲೀಲ ವರ್ತನೆ: ದೂರು

ಉಡುಪಿ, ಅ.11: ಯುವತಿಯೊಬ್ಬಳಿಗೆ ಏರ್‌ಫೋರ್ಸ್‌ನಲ್ಲಿ ತರಬೇತಿಯ ಸೀಟ್ ಕೊಡಿಸುವುದಾಗಿ ಹೇಳಿ ಹಣ ಪಡೆದು ನಂತರ ಆಕೆಯೊಂದಿಗೆ ಅಶ್ಲೀಲವಾಗಿ ವರ್ತಿಸಿದ ಯುವಕನ ವಿರುದ್ಧ ಉಡುಪಿ ಮಹಿಳಾ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಮಂದಾರ್ತಿಯ ಮೂಡುಬಾರಾಳಿ ನಿವಾಸಿ ರೇವತಿ ಎಚ್.ಪಿ. ಎಂಬವರ ಮಗಳು ನಿಧಿ(20) ಎಂಬಾಕೆ ಮಂಗಳೂರಿನ ಹಂಪನಕಟ್ಟೆಯಲ್ಲಿ ಗಗನ ಸಖಿ ತರಬೇತಿಯನ್ನು ಪಡೆದಿದ್ದು, ಆ ಸಮಯ ಅವಳಿಗೆ ಮೊಬೈಲ್ ಮೂಲಕ ರಜತ್ ಎಂಬಾತನ ಪರಿಚಯವಾಗಿತ್ತು. ರಜತ್, ನಿಧಿಗೆ ಏರ್‌ಫೋರ್ಸ್‌ನಲ್ಲಿ ತರಬೇತಿಯ ಸೀಟ್ ಕೊಡಿಸುವುದಾಗಿ ಹೇಳಿ 1,20,000ರೂ. ಹಣವನ್ನು ತೆಗೆದುಕೊಂಡಿದ್ದರು.

ಆ ನಂತರ ನಿಧಿ ಬೆಂಗಳೂರಿನಲ್ಲಿರುವಾಗ ಅವಳನ್ನು ಬೆಂಗಳೂರಿನ ಜೆ.ಪಿ. ನಗರದಲ್ಲಿರುವ ಅವನ ಮನೆಗೆ ಕರೆದುಕೊಂಡು ಹೋಗಿ ಅಶ್ಲೀಲವಾಗಿ ವರ್ತಿಸಿದ್ದನು. 2016ರ ಆಗಸ್ಟ್ ತಿಂಗಳವರೆಗೂ ಉಡುಪಿ ಮನೆಯಲ್ಲಿದ್ದ ನಿಧಿಗೆ ರಜತ್ ಕರೆ ಮಾಡಿ ಬೆಂಗಳೂರಿಗೆ ಬರುವಂತೆ ಒತ್ತಾಯಿಸುತ್ತಿದ್ದನು. ಇಲ್ಲಿಯವರೆಗೆ ತಲೆ ಮರೆಸಿಕೊಂಡಿದ್ದ ಆತ ಅ.9ರಂದು ಉಡುಪಿಯ ಕಡೇಕಾರಿನಲ್ಲಿದ್ದಾನೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ.