ಅಕ್ರಮ ಮರಳು ಸಾಗಾಟ: 2 ಟಿಪ್ಪರ್ ಪೋಲೀಸ್ ವಶ

ಮುಲ್ಕಿ, ಅ.31: ಇಲ್ಲಿನ ಠಾಣಾ ವ್ಯಾಪ್ತಿಯ ರಾಷ್ಟ್ರೀಯ ಹೆದ್ದಾರಿ ಬಪ್ಪನಾಡುವಾಗಿ ಉಡುಪಿಗೆ ಅಕ್ರಮವಾಗಿ ಮರಳು ಸಾಗಿಸುತ್ತಿದ್ದ ಎರಡು ಟಿಪ್ಪರ್ ಲಾರಿಗಳನ್ನು ಮುಲ್ಕಿ ಪೊಲೀಸರು ವಶಪಡಿಸಿ ಕೊಂಡಿದ್ದಾರೆ.

  ಮಂಗಳೂರು ಸಮೀಪದ ಕೂಳೂರಿನಿಂದ ಮುದರಂಗಡಿ ಕಡೆಗೆ ಹಾಗೂ ಪೊಳಲಿ ಅಡ್ಡೂರಿನಿಂದ ಮುಲ್ಕಿ ಕಡೆಗೆ ಎರಡು ಟಿಪ್ಪರ್ ಲಾರಿಗಳಲ್ಲಿ ಮರಳು ಸಾಗಾಟ ಮಾಡಲಾಗುತ್ತಿತ್ತು. ಬಪ್ಪನಾಡು ಚೆಕ್ ಪಾಯಿಂಟ್ ಬಳಿ ಗಸ್ತು ತಿರುಗುತ್ತಿದ್ದ ಮುಲ್ಕಿ ಪೊಲೀಸರು ಅನುಮಾನಾನ ಮೇರೆಗೆ ಟಿಪ್ಪರ್‌ಗಳನ್ನು ತಡೆದು ನಿಲ್ಲಿಸಿ ತಪಾಸಣೆಗೆ ಒಳಪಡಿಸಿದಾಗ ಮರಳು ಸಗಾಟ ಮಾಡುತ್ತಿರುವ ಪ್ರಕರಣ ಬೆಳಕಿಗೆ ಬಂದಿದೆ.

 ಬಳಿಕ ಮರಳು ಸಾಗಾಟದ ಪರವಾನಿಗೆ ಪರಿಶೀಲಿಸಿದಾಗ ಇಲ್ಲದಿರುವುದನ್ನು ಗಮನಿಸಿದ ಪೊಲೀಸರು ಅಕ್ರಮ ಮರಳು ಸಾಗಾಟದ ಪ್ರಕರಣ ದಾಖಲಿಸಿಕೊಂಡು ಮರಳು ಸಹಿತ ಎರಡು ಟಿಪ್ಪರ್ ಲಾರಿಗಳನ್ನು ವಶಕ್ಕೆ ಪಡೆದುಕೊಮಡಿದ್ದಾರೆ.