ಮನೆಗೆ ನುಗ್ಗಿ ಲಕ್ಷಾಂತರ ನಗ-ನಗದು ಕಳವು

ಕಾರ್ಕಳ, ನ.14: ಮುಂಡ್ಕೂರು ಗ್ರಾಮ ಸಚ್ಚರಿಪೇಟೆಯ ಬೆರ್ನೊಟ್ಟು ಎಂಬಲ್ಲಿ ನ.12ರಂದು ರಾತ್ರಿ ವೇಳೆ ಮನೆಗೆ ನುಗ್ಗಿದ ಕಳ್ಳರು ಲಕ್ಷಾಂತರ ರೂ. ವೌಲ್ಯದ ನಗ ನಗದು ಕಳವು ಮಾಡಿರುವ ಬಗ್ಗೆ ವರದಿಯಾಗಿದೆ.

ಬೆರ್ನೊಟ್ಟುವಿನ ಮುಹಮ್ಮದ್ ಶಬೀರ್ ಎಂಬವರ ಮನೆಯ ಹಿಂಬದಿಯ ಮಾಡಿನ ಹೆಂಚು ತೆಗದು ಒಳನುಗ್ಗಿದ ಕಳ್ಳರು ಎರಡು ಚಿನ್ನದ ಬಳೆ, ಎರಡು ಉಂಗುರ, ಎರಡು ಚಿನ್ನದ ಸರ, ಒಂದು ಸೊಂಟದ ಚೈನ್, ಒಂದು ಪೆಂಡೆಂಟ್, ಮಗುವಿನ ಎರಡು ಉಂಗುರ, ಎರಡು ಜೊತೆ ಕಿವಿಯೋಲೆ ಮತ್ತು 2,500 ರೂ. ನಗದು, ಹಾಗೂ 1 ಸಣ್ಣ ಇನ್ವರ್ಟರ್ ಕಳವು ಮಾಡಿದ್ದಾರೆ. ಕಳವಾದ ಸೊತ್ತುಗಳ ಒಟ್ಟು ವೌಲ್ಯ ಸುಮಾರು 1,50,000ರೂ. ಎಂದು ಅಂದಾಜಿಸಲಾಗಿದೆ. ಈ ಬಗ್ಗೆ ಕಾರ್ಕಳ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ನಡೆಯುತ್ತಿದೆ.