ಮುಲ್ಕಿ : ಬೈಕ್ ಸ್ಕಿಡ್, ಸವಾರ ಮೃತ್ಯು

ಮುಲ್ಕಿ, ಡಿ.11: ಇಲ್ಲಿಗೆ ಸಮೀಪದ ರಾ.ಹೆ. 66ರ ಕ್ಷೀರ ಸಾಗರದ ಬಳಿ ಬೈಕ್ ಸ್ಕಿಡ್ ಆಗಿ , ವ್ಯಕ್ತಿ ಸ್ಥಳದಲ್ಲೇ ಮೃತಪಟ್ಟ ಘಟನೆ ರವಿವಾರ ಸಂಜೆ ನಡೆದಿದೆ.

ಮೃತಪಟ್ಟವರನ್ನು ಮುಲ್ಕಿ ಸಮೀಪದ ಚಿತ್ರಾಪು ನಿವಾಸಿ ದುರ್ಗಾ ಪ್ರಸಾದ್(32) ಎಂದು ಗುರುತಿಸಲಾಗಿದೆ.

ದುರ್ಗಾ ಪ್ರಸಾದ್ ಮುಲ್ಕಿ ಪೇಟೆ ಕಡೆಯಿಂದ ಚಿತ್ರಾಪುವಿನ ತನ್ನ ಮನೆಗೆ ತೆರಳುತ್ತಿದ್ದಾಗ ಬೈಕ್ ಸ್ಕಿಡ್ ಆಗಿದೆ. ಪರಿಣಾಮ ತಲೆ ರಸ್ತೆವಿಭಜಕಕ್ಕೆ ಬಡಿದ ಕಾರಣ ಸ್ಥಳದಲ್ಲೇ ಮೃತಪಟ್ಟರು ಎಂದು ತಿಳಿದು ಬಂದಿದೆ.

ಈ ಸಂಬಂಧ ಮಂಗಳುರು ಉತ್ತರವಲಯ ಸಂಚಾರಿ ಪೊಲೀಸರು ಸ್ಥಳಕ್ಕೆ ಧಾವಿಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.