ಉಡುಪಿಯಲ್ಲಿ ರಾಜ್ಯ ಮಟ್ಟದ ದೇಹದಾರ್ಢ್ಯ ಸ್ಪರ್ಧೆ

ಮಲ್ಪೆ, ಡಿ.13: ಮಲ್ಪೆಯ ಹಾರ್ಡ್ ಕೋರ್ ಹೆಲ್ತ್ ಎಂಡ್ ಫಿಟ್ನೆಸ್ ಜಿಮ್ ಆಶ್ರಯದಲ್ಲಿ ಉಡುಪಿ ಜಿಲ್ಲಾ ಬಾಡಿ ಬಿಲ್ಡರ್ಸ್‌ ಅಸೋಸಿಯೇಶನ್ ಸಹಭಾಗಿತ್ವದಲ್ಲಿ ಕರ್ನಾಟಕ ಅಸೋಸಿಯೇಶನ್ ಆಫ್ ಬಾಡಿ ಬಿಲ್ಡರ್ಸ್‌ ನೇತೃತ್ವದಲ್ಲಿ ಡಿ.10ರಂದು ಮಲ್ಪೆ-ವಡಬಾಂಡೇಶ್ವರ ಗಾಂಧಿ ಶತಾಬ್ದಿ ಸರಕಾರಿ ಹಿರಿಯ ಪ್ರಾಥಮಿಕ ಶಾಲಾ ಮೈದಾನದಲ್ಲಿ ನಡೆದ ರಾಜ್ಯ ಮಟ್ಟದ ದೇಹದಾರ್ಢ್ಯ ಸ್ಪರ್ಧೆಯಲ್ಲಿ ದ.ಕ. ಜಿಲ್ಲೆಯ ಶಮಂತ್ ಶೆಟ್ಟಿ ‘ಮಿ.ಹಾರ್ಡ್ ಕೋರ್ ಕ್ಲಾಸಿಕ್-2016’ ಪ್ರಶಸ್ತಿಯನ್ನು ಗೆದ್ದುಕೊಂಡಿದ್ದಾರೆ.

ಸಂದೀಪ್ ಕುಮಾರ್ ಶಿವಮೊಗ್ಗ ‘ರನ್ನರ್ಸ್‌ ಅಪ್’ ಹಾಗೂ ರಾಜ್ ಕುಮಾರ್ ದುರ್ಗುಡೆ ಬೆಳಗಾವಿ ‘ಬೆಸ್ಟ್ ಪೋಸರ್’ ಪ್ರಶಸ್ತಿಯನ್ನು ಪಡೆದು ಕೊಂಡರು.

ಈ ಸ್ಪರ್ಧೆಯಲ್ಲಿ ರಾಜ್ಯಾದ್ಯಂತ ವಿವಿಧ ಜಿಲ್ಲೆಗಳಿಂದ 110 ದೇಹದಾರ್ಡ್ಯ ಪಟುಗಳು ಭಾಗವಹಿಸಿದ್ದರು.

ಸಮಾರೋಪ ಸಮಾರಂಭದಲ್ಲಿ ದ.ಕ. ಮತ್ತು ಉಡುಪಿ ಜಿಲ್ಲಾ ಮೀನು ಮಾರಾಟ ಫೆಡರೇಶನ್ ಅಧ್ಯಕ್ಷ ಯಶ್‌ಪಾಲ್ ಸುವರ್ಣ ಪ್ರಶಸ್ತಿಗಳನ್ನು ವಿತರಿಸಿದರು. ಜಿಲ್ಲಾ ಬಾಡಿಬಿಲ್ಡರ್ಸ್‌ ಎಸೋಸಿಯೇಶನ್‌ನ ಅಧ್ಯಕ್ಷ ಗೋವ ರ್ಧನ ಎನ್.ಬಂಗೇರ ಮತ್ತು ಸ್ಪರ್ಧೆಯ ಸಂಘಟಕ ಚಂದ್ರಹಾಸ ಕಾಂಚನ್ ಮಲ್ಪೆಅವರನ್ನು ಸನ್ಮಾನಿಸಲಾಯಿತು.

ಉದ್ಯಮಿಗಳಾದ ಶೇಖರ್ ಕೋಟ್ಯಾನ್ ಮಲ್ಪೆ, ಶಶಿಧರ್ ಕುಂದರ್ ಮಲ್ಪೆ, ಮಲ್ಪೆರಿಕ್ಷಾ ಮಾಲಕ-ಚಾಲಕರ ಸಂಘದ ಅಧ್ಯಕ್ಷ ಸುಂದರ ಪೂಜಾರಿ ಪೆರ್ಡೂರು, ಮಾಜಿ ನಗರಸಭಾ ಸದಸ್ಯ ಪಾಂಡುರಂಗ ಮಲ್ಪೆ, ಕರ್ನಾಟಕ ಅಸೋಸಿಯೇಶನ್ ಆಫ್ ಬಾಡಿ ಬಿಲ್ಡರ್ಸ್‌ ಕಾರ್ಯಾಧ್ಯಕ್ಷ ಜಾನ್ ರೆಬೆಲ್ಲೋ ಮಂಗಳೂರು, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಎ.ಶಿವಕುಮಾರ್, ಕೋಶಾಧಿ ಕಾರಿ ಮಿಲಿಂದ್ ಸಾಲ್ಯಾನ್, ಎಸೋಸಿಯೇಶನ್ ಗೌರವ ಸಲಹೆಗಾರ ನಾಗೇಶ್ ಶೆಟ್ಟಿ ಉಪಸ್ಥಿತರಿದ್ದರು. ರಾಷ್ಟ್ರೀಯ ತೀರ್ಪುಗಾರ ಜಿ.ಡಿ.ಭಟ್ ಸ್ಪರ್ಧೆಯನ್ನು ನಿರೂಪಿಸಿದರು.

 ಉದ್ಘಾಟನೆ:

ಉಡುಪಿ ಕಾಂಚನ ಹುಂಡೈನ ಆಡಳಿತ ನಿರ್ದೇಶಕ ಪ್ರಸಾದ್ ರಾಜ್ ಕಾಂಚನ್ ಅಧ್ಯಕ್ಷತೆಯಲ್ಲಿ ಉಡುಪಿ ಮಾಜಿ ಶಾಸಕ ಕೆ.ರಘುಪತಿ ಭಟ್ ಸ್ಪರ್ಧೆಯನ್ನು ಉದ್ಘಾಟಿಸಿದರು. ಮುಖ್ಯ ಅತಿಥಿಗಳಾಗಿ ಉದ್ಯಮಿ ಸುರೇಶ್ ಶೆಟ್ಟಿ ಗುರ್ಮೆ, ಮೀನು ವ್ಯಾಪಾರಸ್ಥರ ಸಂಘದ ಅಧ್ಯಕ್ಷ ಸಾಧು ಸಾಲ್ಯಾನ್ ಮಲ್ಪೆ, ಉದ್ಯಮಿ ಹರಿಯಪ್ಪ ಕೋಟ್ಯಾನ್, ಅಂಬಲಪಾಡಿ ಬಿಲ್ಲವ ಸೇವಾ ಸಂಘದ ಅಧ್ಯಕ್ಷ ಗೋಪಾಲ ಸಿ. ಬಂಗೇರ ಮೊದಲಾದರು ಉಪಸ್ಥಿತರಿದ್ದರು.

8 ವಿಭಾಗಗಳ ವಿಜೇತರ ವಿವರ

55ಕೆ.ಜಿ.: ನೀಲೆಶ್ ಕನೂರ್ಕರ್ ಬೆಳಗಾವಿ(ಪ), ಮನೋಹರ್ ದೇವಾ ಡಿಗ ಉಡುಪಿ(ದ್ವಿ), ಧನರಾಜ್ ದ.ಕ.(ತೃ).

60ಕೆ.ಜಿ.: ವಿಘ್ನೇಶ್ ಉಡುಪಿ (ಪ್ರ), ವಿಕಾಸ್ ಶಪುರ್ಕರ್ ಬೆಳಗಾವಿ(ದ್ವಿ), ನಿತೇಶ್ ಪೂಜಾರಿ ದ.ಕ.(ತೃ).

65ಕೆ.ಜಿ.: ಜಗದೀಶ್ ದ.ಕ.(ಪ್ರ), ಸಂದೇಶ್ ಉಡುಪಿ(ದ್ವಿ), ಭಾನು ಪ್ರಸಾದ್ ಶಿವಮೊಗ್ಗ(ತೃ).

70ಕೆ.ಜಿ.: ಮೋಹಿತ್ ಸಾಲ್ಯಾನ್ ಉಡುಪಿ (ಪ್ರ), ಓಂ ಪ್ರಕಾಶ್ ಕಾಂಬ್ಲೆ ಬೆಳಗಾವಿ(ದ್ವಿ), ತಾನಾಜಿ ಚೌಗ್ಲೆ ಬೆಳಗಾವಿ (ತೃ).

75ಕೆ.ಜಿ.: ಸೈಯದ್ ಶರಾಝ್ ಬೆಂಗಳೂರು(ಪ್ರ), ಗೌರಂಗ್ ಜೆಂಟಿ ಬೆಳಗಾವಿ(ದ್ವಿ), ವೀರೇಶ್ ಎಸ್.ಎಸ್.(ತೃ).

80ಕೆ.ಜಿ.: ಸಂದೀಪ್ ಕುಮಾರ್ ಬೆಂಗಳೂರು(ಪ್ರ), ಹೋಸ್ಟನ್ ಬ್ರೈಸ್ ಉಡುಪಿ(ದ್ವಿ), ರಾಹುಲ್ ದ.ಕ.(ತೃ).

85ಕೆ.ಜಿ.: ಶಮಂತ್ ಶೆಟ್ಟಿ ದ.ಕ.(ಪ್ರ), ಶೌಕತ್ ಅಲಿ ಶಿವಮೊಗ್ಗ(ದ್ವಿ), ನಿತ್ಯಾನಂದ ಕೋಟ್ಯಾನ್ ಉಡುಪಿ(ತೃ).

85ಕೆ.ಜಿ. ಮೇಲ್ಪಟ್ಟು: ಲಿಜೋ ಜಾನ್ ಬೆಂಗಳೂರು(ಪ್ರ), ರೋಹಿತ್ ಚವಾಣ್ ಬೆಳಗಾವಿ(ದ್ವಿ), ಬಿ.ಮಾರುತೇಶ್ ಬಳ್ಳಾರಿ(ತೃ).