ಅತಿಥಿಯ ಮುಖಕ್ಕೆ ಕಚ್ಚಿದ ಒಬಾಮರ ನಾಯಿ

ವಾಶಿಂಗ್ಟನ್, ಜ. 14: ಅಮೆರಿಕದ ಅಧ್ಯಕ್ಷ ಬರಾಕ್ ಒಬಾಮರ ಮನೆಗೆ ಅತಿಥಿಯಾಗಿ ಹೋಗಿದ್ದ 18 ವರ್ಷದ ಹುಡುಗಿಯ ಮುಖಕ್ಕೆ ಒಬಾಮರ ಸಾಕು ನಾಯಿ ‘ಸನ್ನಿ’ ಕಚ್ಚಿದೆ ಎಂದು ಮಾಧ್ಯಮ ವರದಿಯೊಂದು ತಿಳಿಸಿದೆ.ಹುಡುಗಿಯು ಸೋಮವಾರ 4 ವರ್ಷ ಪ್ರಾಯದ ಪೋರ್ಚುಗೀಸ್ ವಾಟರ್ ನಾಯಿಯ ಬೆನ್ನು ತಟ್ಟಲು ಹೋದಾಗ ಅದು ಆಕೆಯ ಕಣ್ಣಿನ ಕೆಳಗೆ ಮುಖಕ್ಕೆ ಕಚ್ಚಿದೆ ಎಂದು ಟಿಎಂಝಡ್.ಕಾಮ್ ವರದಿ ಮಾಡಿದೆ.

ಒಬಾಮರ ಕುಟುಂಬ ವೈದ್ಯ ಡಾ. ರಾನಿ ಜಾಕ್ಸನ್ ಹುಡುಗಿಗೆ ಚಿಕತ್ಸೆ ನೀಡಿದರು. ಮುಖಕ್ಕೆ ಹೊಲಿಗೆಗಳನ್ನು ಹಾಕಲಾಗಿದೆ.