​ಮಹಿಳಾ ದೌರ್ಜನ್ಯದ ವಿರುದ್ಧ ಪ್ರತಿಭಟನೆ

ಮಂಗಳೂರು, ಜ.30: ಅಂತಾ ರಾಷ್ಟ್ರೀಯ ಮಹಿಳಾ ದಿನದ ಹಿನ್ನೆಲೆ ಯಲ್ಲಿ ಗಾಂಧಿ ಹುತಾತ್ಮ ದಿನವಾದ ಸೋಮವಾರ ಮಹಿಳಾ ದೌರ್ಜನ್ಯ ವಿರೋಧಿ ವೇದಿಕೆಯು ಮಹಿಳಾ ದೌರ್ಜನ್ಯದ ವಿರುದ್ಧ ಕಪ್ಪು ಉಡುಪು ಧರಿಸಿ ನಗರದ ಮಿನಿ ವಿಧಾನಸೌಧದ ರಸ್ತೆಯಲ್ಲಿ ವೌನ ಪ್ರತಿಭಟನೆ ನಡೆಸಿತು.

ಲೇಖಕಿ ಅಮೃತ ಆತ್ರಾಡಿ ಪ್ರತಿಭಟನೆಗೆ ಚಾಲನೆ ನೀಡಿದರು.
ಜಾತಿ, ಧರ್ಮ, ಮತ, ದೇಶ, ಭಾಷೆ, ಕುಟುಂಬ, ಪ್ರಭುತ್ವ, ಯುದ್ಧ ಸೇರಿದಂತೆ ಯಾವುದೇ ಹೆಸರಿನಲ್ಲಿ ಮಹಿಳೆಯರ ಮೇಲೆ ನಡೆಯುವ ಹಿಂಸೆಯನ್ನು ವಿರೋಧಿಸಿ ವಿವಿಧ ಘೋಷಣಾ ಪತಾಕೆಯೊಂದಿಗೆ ಮಹಿಳೆಯರು ವೌನ ಪ್ರತಿಭಟನೆ ನಡೆಸಿದರು.

ಡೀಡ್ಸ್ ಸಂಸ್ಥೆಯ ನಿರ್ದೇಶಕಿ ಮರ್ಲಿನ್ ಮಾಟಿಸ್‌ರ್, ಹಿತಾ ರಿಸೊರ್ಸ್ ಯೂನಿಟ್‌ನ ನಿರ್ದೇಶಕಿ ವಾಣಿ ಪೆರಿಯೋಡಿ, ಚಂದ್ರಕಲಾ ನಂದಾವರ, ರೋಹಿಣಿ, ಗುಲಾಬಿ ಬಿಳಿಮಲೆ, ಸುರೇಶ್ ಭಟ್ ಬಾಕ್ರಬೈಲು, ಕರ್ನಾಟಕ ಥಿಯೋ ಲಾಜಿಕಲ್ ಸೊಸೈಟಿಯ ಸದ್ಯರು ಹಾಗೂ ಮಹಿಳಾ ದೌರ್ಜನ್ಯ ವೇದಿಕೆಯ ಸದಸ್ಯರು ಪಾಲ್ಗೊಂಡಿದ್ದರು.