ವನ್ಯ ಜೀವಿ ವಿಭಾಗ ಕಚೇರಿ ಮುಂದೆ ಧರಣಿ ಕುಳಿತ ಪ.ಪಂ.ದ ಯುವಕ

ಕಾರ್ಕಳ, ಫೆ. 7 :ಕುದುರೆಮುಖ ಅಭಯಾರಣ್ಯದಲ್ಲಿ ಒಕ್ಕಲೆದ್ದರೂ, ಪರಿಹಾರ ಮೊತ್ತಕ್ಕಾಗಿ ಸತಾಯಿಸುತ್ತಿರುವ ವನ್ಯ ಜೀವಿ ವಿಭಾಗದ ಕಛೇರಿಯಲ್ಲಿ ಮಲೆಕುಡಿಯ(ಪ.ಪಂ.) ಸಮುದಾಯದ ಯುವಕನೊಬ್ಬ ಬೆಳ್ಳಗ್ಗೆಯಿಂದಲೇ ಧರಣಿ ಕುಳಿತ ಘಟನೆಯೊಂದು ಮಂಗಳವಾರ ನಡೆದಿದೆ. ಈದು ಕನ್ಯಾಲು ಮಹಾಬಲ ಗೌಡ ಎಂಬವರ ಪುತ್ರ ಪ್ರವೀಣ್ ಗೌಡ(23)ಕಚೇರಿ ಮುಂಬಾಗದಲ್ಲಿ ಧರಣಿ ನಡೆಸಿದ್ದಾನೆ. ಆತನ ತಂದೆ ಸರಕಾರಕ್ಕೆ ಭೂಮಿಯನ್ನು ಬಿಟ್ಟುಕೊಟ್ಟು ಒಕ್ಕಲೆದ್ದಿದ್ದಾರೆ. ಪುನರ್ವಸತಿ ಯೋಜನೆಯಡಿ ಅರ್ಜಿ ಸಲ್ಲಿಸಿ ಪರಿಹಾರಧನವನ್ನು ಯಾಚಿಸಿದ್ದಾರೆ. ಆದರೆ ಕಳೆದ ಆರು ತಿಂಗಳಿನಿಂದ ಅಕಾರಿಗಳು ವಿವಿಧ ಕಾರಣವನ್ನು ಮುಂದಿಟ್ಟುಕೊಂಡು ಸತಾಯಿಸುತ್ತಿದ್ದಾರೆ ಎನ್ನುವುದು ಯುವಕನ ಆರೋಪ. ಪದೇ ಪದೇ ಆ ಕಡತ ಜಿಲ್ಲಾಕಾರಿಗಳಿಂದ ಅನುಮೋದನೆಗೊಳ್ಳಬೇಕಾಗಿದೆ ಎನ್ನುವ ಉತ್ತರ ಇಲಾಖೆಯಿಂದ ಕೇಳಿ ಬರುತ್ತಿದೆ. ಆದರೆ ಅದರ ಜತೆಯಲ್ಲೇ ಇದ್ದ ಆರು ಕಡತಗಳು ಈಗಾಗಲೇ ಮಂಜೂರಾತಿಗೊಂಡಿರುವುದು, ಅಕಾರಿಗಳ ತಾರತಮ್ಯಕ್ಕೆ ಸ್ಪಷ್ಟ ಉದಾಹರಣೆ ಎಂದು ಯುವಕ ಪ್ರವೀಣ್ ಗೌಡ ಆರೋಪಿಸಿದ್ದಾರೆ.

ಮಲೆಕುಡಿಯ ಬಿಜೆಪಿ ಮುಖಂಡರೊಬ್ಬರ ಮುಖಾಂತರ ನಮ್ಮ ಕಡತಗಳನ್ನು ನೀಡಿಲ್ಲ ಅವರ ಮೂಲಕ ನೀಡಿದ ಕಡತಗಳು ಈಗಾಗಲೇ ಇತ್ಯರ್ಥವಾಗಿ ಅವರಿಗೆ ಪರಿಹಾರ ದೊರಕಿದೆ. ಅವರೆಲ್ಲಾ ಕಮಿಷನ್ನ ನೀಡಿದ್ದಾರೆ. ನಾವು ಕಮಿಷನ್ ನೀಡುವುದಿಲ್ಲ ಎಂಬ ಕಾರಣಕ್ಕಾಗಿ ನನ್ನನ್ನು ಕಡೆಕಣಿಸುತ್ತಿದ್ದಾರೆ,ಎಂದು ಆತ ದೂರಿದ್ದಾನೆ.
  
ಕಾಂಗ್ರೆಸ್ ಪಕ್ಷದ ಪರವಾಗಿದ್ದೇವೆ ಎನ್ನುವ ಕಾರಣ ಮುಂದಿಟ್ಟುಕೊಂಡು ಮಧ್ಯವರ್ತಿಗಳ ಕುಮ್ಮಕ್ಕಿಗೆ ಮಣಿದು ಅಕಾರಿಗಳು ನಮ್ಮ ಕುಟುಂಬವನ್ನು ಕಡೆಗಣಿಸುತ್ತಿದ್ದಾರೆ ಎಂದು ಯುವಕ ಧರಣಿ ಕುಳಿತಿದ್ದು, ಸೂಕ್ತ ನ್ಯಾಯ ಸಿಗದಿದ್ದಲ್ಲಿ ಅನಿರ್ದಿಷ್ಟಾವ ಉಪವಾಸ ಕೈಗೊಳ್ಳುವ ಸಿದ್ದತೆ ನಡೆಸಿದ್ದ. ಮಾಜಿ ಶಾಸಕ ಭೇಟಿ :

ಕಾಂಗ್ರೆಸ್ ಕಾರ್ಯಕರ್ತ ಹಾಗೂ ಕನ್ಯಾಲಿನಂತಹ ತೀರಾ ಹಿಂದುಳಿದ ಪ್ರದೇಶದ ನಿವಾಸಿ ಮಲೆಕುಡಿಯ ಸಮುದಾಯದ ಪ್ರವೀಣ್ ಗೌಡ ಧರಣಿ ನಡೆಸುತ್ತಿರುವ ಸ್ಥಳಕ್ಕೆ ಮಾಜಿ ಶಾಸಕ ಎಚ್.ಗೋಪಾಲ ಭಂಡಾರಿ ಭೇಟಿ ನೀಡಿ, ನಂತರ ಧರಣಿಯನ್ನು ವಾಪಾಸ್ಸು ತೆಗೆದುಕೊಳ್ಳುವಂತೆ ವಿನಂತಿಸಿಕೊಂಡರು. ಅಲ್ಲದೆ ರಾಜ್ಯ ಅರಣ್ಯ ಸಚಿವರ ಬಳಿ ಮಾತಾಡಿ, ಶೀಘ್ರ ಪರಿಹಾರವನ್ನು ವಿತರಿಸುವ ಕ್ರಮ ಕೈಗೊಳ್ಳುವುದಾಗಿ ತಿಳಿಸಿದರು.ಅಕಾರಿಗಳಿಗೆ ಸಮಸ್ಯೆಯನ್ನು ಗಂಬೀರವಾಗಿ ಪರಿಗಣಿಸಿ ಅತನಿಗೆ ಸೂಕ್ತ ನ್ಯಾಯವನ್ನು ಒದಗಿಸಿಕೊಡುವಂತೆ ಸೂಚಿಸಿದ್ದಾರೆ. ಅಕಾರಿಗಳ ನಿರ್ಲಕ್ಷತನದಿಂದ ಸರಕಾರಕ್ಕೆ ಕೆಟ್ಟ ಹೆಸರು ಬರುವ ಮುನ್ನ ಎಚ್ಚೆತ್ತುಕೊಳ್ಳಿ ಎಂದು ಹೇಳಿದ್ದಾರೆ.

ಇದೇ ಸಂದರ್ಭದಲ್ಲಿ ಮಾತನಾಡಿದ ಮಾಜಿ ಶಾಸಕ ಎಚ್.ಗೋಪಾಲ ಭಂಡಾರಿ ಮುಗ್ದ ಜನತೆಯಾಗಿರುವ ಮಲೆಕುಡಿಯ ಸಮುದಾಯದಕ್ಕೆ ನ್ಯಾಯ ಒದಗಿಸುವ ನೆಪದಲ್ಲಿ ಪುನರ್ವಸತಿ ಯೋಜನೆಯಡಿ ಮಂಜೂರಾದ ಪರಿಹಾರ ಮೊತ್ತದಲ್ಲಿ ಕಮಿಷನ್ ಪಡೆಯುತ್ತಿರುವ ಮಧ್ಯವರ್ತಿಗಳ ಬಗ್ಗೆಯೂ ನನ್ನ ಗಮನಕ್ಕೆ ಬಂದಿದ್ದು, ಈ ಬಗ್ಗೆ ರಾಜ್ಯ ಅರಣ್ಯ ಸಚಿವರ ಗಮನಕ್ಕೆ ತರುವುದಾಗಿ ಎಚ್ಚರಿಸಿದರು. ಬಳಿಕ ಮಾಜಿ ಶಾಸಕರ ಭರವಸೆಯಂತೆ ಧರಣಿಯನ್ನು ಪ್ರವೀಣ್ ಗೌಡ ವಾಪಾಸ್ಸು ತೆಗೆದುಕೊಂಡರು.
ದೂರು ಕೊಡಿ :
ಮಧ್ಯವರ್ತಿಗಳು ಪುನರ್ವಸತಿ ಯೋಜನೆಯಡಿ ಮಂಜೂರಾದ ಪರಿಹಾರ ಮೊತ್ತದಲ್ಲಿ ಮಧ್ಯವರ್ತಿಗಳು ಫಲಾನುಭವಿಗಳಿಂದ ಕಮಿಷನ್ ಪಡೆದು, ವಂಚಿಸಿದ ಪ್ರಕರಣಗಳಿದ್ದಲ್ಲಿ ನೇರವಾಗಿ ನಮ್ಮ ಗಮನಕ್ಕೆ ತನ್ನಿ. ಇಲ್ಲಿ ಯಾರೂ ಹೆದರುವ ಅವಶ್ಯಕತೆಯಿಲ್ಲ ಎಂದು ವನ್ಯಜೀವಿ ವಿಭಾಗದ ವಲಯ ಅರಣ್ಯಾಕಾರಿ ಗೋಪಾಲ್.