ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ವೋಗ್ಸ್ ವಿದಾಯ

ಸಿಡ್ನಿ, ಫೆ.14: ಆಸ್ಟ್ರೇಲಿಯದ ಅಗ್ರ ಸರದಿಯ ದಾಂಡಿಗ ಆ್ಯಡಮ್ ವೋಗ್ಸ್ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ವಿದಾಯ ಘೋಷಿಸಿದ್ದಾರೆ.
    37ರ ಹರೆಯದ ವೋಗ್ಸ್ ಅವರು ಬುಧವಾರದಿಂದ ಕ್ಯಾನ್‌ಬೆರ್ರಾದಲ್ಲಿ ಆರಂಭವಾಗಲಿರುವ ಪ್ರವಾಸಿ ಶ್ರೀಲಂಕಾ ವಿರುದ್ಧದ ಪಂದ್ಯದಲ್ಲಿ ಪ್ರಧಾನಿ ಮಂತ್ರಿಗಳ ಇಲೆವೆನ್ ತಂಡವನ್ನು ಮುನ್ನಡೆಸಲಿದ್ದಾರೆ. ಇದು ತನ್ನ ವೃತ್ತಿ ಬದುಕಿನ ಕೊನೆಯ ಪಂದ್ಯವಾಗಲಿದೆ ಎಂದು ಹೇಳಿದ್ದಾರೆ.
 20 ಟೆಸ್ಟ್ ಗಳನ್ನು ಆಡಿರುವ ವೋಗ್ಸ್ 5 ಶತಕ ಮತ್ತು 4 ಅರ್ಧಶತಕಗಳನ್ನು ಒಳಗೊಂಡ 1,485 ರನ್ ದಾಖಲಿಸಿದ್ದಾರೆ. ಗರಿಷ್ಠ ವೈಯಕ್ತಿಕ ಸ್ಕೋರ್ ಔಟಾಗದೆ 265ರನ್. 31ಏಕದಿನ ಪಂದ್ಯಗಳಲ್ಲಿ 870 ರನ್, ಗರಿಷ್ಠ ವೈಯಕ್ತಿಕ ಸ್ಕೋರ್ ಔಟಾಗದೆ 112 , ಶತಕ 1 ಮತ್ತು ಅರ್ಧಶತಕ 4.
7 ಟ್ವೆಂಟಿ -20 ಪಂದ್ಯಗಳಲ್ಲಿ 139 ರನ್, ಗರಿಷ್ಠ ವೈಯಕ್ತಿಕ ಸ್ಕೋರ್ 51ರನ್, 1 ಅರ್ಧಶತಕ ದಾಖಲಿಸಿದ್ದಾರೆ.