ಬಂಟ್ವಾಳ: ತೌಹೀದ್ ಆಂಗ್ಲ ಮಾಧ್ಯಮ ಶಾಲೆಗೆ 5 ಚಿನ್ನ, 10 ಬೆಳ್ಳಿ, 10 ಕಂಚಿನ ಪದಕ
ಬಂಟ್ವಾಳ, ಮಾ. 3: ಬಸವೇಶ್ವರ ನಗರದಲ್ಲಿ ಇತ್ತೀಚೆಗೆ ನಡೆದ ಟೇಕ್ವಾಂಡೋ ಓಪನ್ ಚಾಂಪಿಯನ್ಶಿಪ್ ಪಂದ್ಯಾವಳಿಯ ವಿವಿಧ ವಿಭಾಗಗಳಲ್ಲಿ ಬಂಟ್ವಾಳ ಕೆಳಗಿನಪೇಟೆ ತೌಹೀದ್ ಆಂಗ್ಲ ಮಾಧ್ಯಮ ಶಾಲೆಯ ವಿದ್ಯಾರ್ಥಿಗಳು ಒಟ್ಟು 5 ಚಿನ್ನದ ಪದಕಗಳನ್ನು, ಹತ್ತು ಬೆಳ್ಳಿಪದಕಗಳನ್ನು ಹಾಗೂ ಹತ್ತು ಕಂಚಿನ ಪದಕಗಳನ್ನು ಜಯಿಸಿದ್ದಾರೆ.
ಕೆಡೆಟ್ ಬಾಲಕರ 41 ಕೆ.ಜಿ.ಯೊಳಗಿನ ವಿಭಾಗದಲ್ಲಿ ಮುಹಮ್ಮದ್ ರಾಝಿಕ್ ಕೈಕಂಬ, ಕೆಡೆಟ್ ಬಾಲಕರ 30 ಕೆ.ಜಿ.ಯೊಳಗಿನ ವಿಭಾಗದಲ್ಲಿ ವಿಲಾಯತ್ ರಾಫಿ ಗೂಡಿನಬಳಿ, 35 ಕೆ.ಜಿ.ಯೊಳಗಿನ ವಿಭಾಗದಲ್ಲಿ ಇಶಾತ್ ಪರ್ಲ್ಯ, 28 ಕೆ.ಜಿ.ಯೊಳಗಿನ ವಿಭಾಗದಲ್ಲಿ ಮುಹಮ್ಮದ್ ಮುಹ್ಸಿನ್ ಪರ್ಲ್ಯ, ಜೂನಿಯರ್ 25 ಕೆ.ಜಿ.ಯೊಳಗಿನ ವಿಭಾಗದಲ್ಲಿ ಮುಹಮ್ಮದ್ ರೈಫಾನ್ ಶಾಂತಿಯಂಗಡಿ ಚಿನ್ನದ ಪದಕ ಗಳಿಸಿದ ವಿದ್ಯಾರ್ಥಿಗಳು.
ಮುಹಮ್ಮದ್ ಆಕಿಬ್ ಗುಡ್ಡೆಅಂಗಡಿ, ಮುಹಮ್ಮದ್ ಫಹೀಮ್ ಇಸ್ಮಾಯಿಲ್ ಗೂಡಿನಬಳಿ, ಮುಹಮ್ಮದ್ ಝಮ್ರಾದ್ ಪರ್ಲ್ಯ, ಮುಹಮ್ಮದ್ ಅಝಾಲಾಮ್ ಬಿ.ಸಿ.ರೋಡ್, ಮುಹಮ್ಮದ್ ಮುನವ್ವರ್ ಹುಸೈನ್ ಪರ್ಲ್ಯ, ಮುಹಮ್ಮದ್ ಫಹೀಂ ಕೈಕಂಬ, ಮುಹಮ್ಮದ್ ಆತೀಸ್ ಗೂಡಿನಬಳಿ, ಬಿ.ಅಹ್ಮದ್ ಶಾಝಿನ್ ಬಂಟ್ವಾಳ, ಅಬ್ದುಲ್ ರಾಝಿಕ್, ಮೊಹಮ್ಮದ್ ಆದಿಲ್ ಬೆಳ್ಳಿಯ ಪದಕ ಪಡೆದ ವಿದ್ಯಾರ್ಥಿಗಳು.
ಉಳಿದಂತೆ ಹನ್ನೊಂದು ವಿದ್ಯಾರ್ಥಿಗಳು ಹಾಗೂ ಒಂದು ವಿದ್ಯಾರ್ಥಿನಿ ಸೇರಿ ಕಂಚಿನ ಪದಕ ಜಯಿಸಿದ್ದಾರೆ. ವಿವಿಧ ವಿಭಾಗಗಳಲ್ಲಿ ರಾಜ್ಯದ ವಿವಿಧ ಜಿಲ್ಲೆಗಳಿಂದ ಸುಮಾರು 600 ವಿದ್ಯಾರ್ಥಿಗಳು ಭಾಗವಹಿಸಿದ್ದರು. ಟೇಕ್ವಾಂಡೋ ಒಲಿಂಪಿಕ್ ಮಾರ್ಷಲ್ ಕಲಾ ಕ್ರೀಡೆಯಾಗಿದ್ದು, ವಿಶ್ವದ ವಿವಿಧ ದೇಶಗಳಲ್ಲಿ ಆತ್ಮರಕ್ಷಣೆ ಕ್ರೀಡೆಯಾಗಿ ಪ್ರಸಿದ್ಧಿ ಹೊಂದಿದೆ.
ರಾಜ್ಯ ಟೇಕ್ವಾಂಡೋ ಅಸೋಶಿಯೇಷನ್ನ ದ.ಕ. ಜಿಲ್ಲಾ ಸಮಿತಿಯ ಇಬ್ರಾಹೀಂ ನಂದಾವರ ಹಾಗೂ ಇಸ್ಹಾಖ್ ನಂದಾವರ ತರಬೇತಿ ನೀಡಿದ್ದರು. ವಿಜೇತ ವಿದ್ಯಾರ್ಥಿಗಳನ್ನು ಶಾಲೆಯಲ್ಲಿ ಸನ್ಮಾನಿಸಲಾಯಿತು.
ಸನ್ಮಾನ ಸಮಾರಂಭದಲ್ಲಿ ಶಾಲಾ ಕಾರ್ಯದರ್ಶಿಯಾದ ಹಾಜಿ ಬಿ.ಎ.ಮುಹಮ್ಮದ್, ಪ್ರಾಥಮಿಕ ಹಾಗೂ ಪ್ರೌಢ ಶಾಲಾ ಮುಖ್ಯೋಪಾದ್ಯಾಯಿನಿಯಾದ ಮೆಟಿಲ್ಡಾ ಡಿಕೋಸ್ತಾ ಮತ್ತು ಕೆ.ಜಿ. ವಿಭಾಗದ ಮುಖ್ಯ ಶಿಕ್ಷಕಿ ಮಮತ ಸುವರ್ಣ ಉಪಸ್ಥಿತರಿದ್ದರು.