ದ್ವಿತೀಯ ಪಿಯುಸಿ ಪರೀಕ್ಷೆ : ಬಸ್ಪಾಸ್-ಪ್ರವೇಶ ಪತ್ರವಿದ್ದರೆ ಉಚಿತ ಪ್ರಯಾಣ
Update: 2017-03-10 13:53 GMT
ಬೆಂಗಳೂರು, ಮಾ. 10: ದ್ವಿತೀಯ ಪಿಯುಸಿ ಪರೀಕ್ಷೆ ಹಿನ್ನೆಲೆಯಲ್ಲಿ ವಿದ್ಯಾರ್ಥಿಗಳು ಪರೀಕ್ಷಾ ಕೇಂದ್ರಗಳಿಗೆ ತೆರಳಲು ಬಸ್ ಪಾಸ್ ಮತ್ತು ಪ್ರವೇಶ ಪತ್ರ(ಹಾಲ್ ಟಿಕೆಟ್) ತೋರಿಸಿ ಕೆಎಸ್ಸಾರ್ಟಿಸಿ ಬಸ್ಗಳಲ್ಲಿ ಉಚಿತ ಪ್ರಯಾಣಕ್ಕೆ ಸಂಸ್ಥೆ ಅವಕಾಶ ಕಲ್ಪಿಸಿದೆ.
ನಿಗಮದ ಬಸ್ ಪಾಸ್ಗಳು ವಾಸಸ್ಥಳ ಹಾಗೂ ಅವರು ಅಭ್ಯಸಿಸುವ ವಿದ್ಯಾ ಸಂಸ್ಥೆಗಳ ನಡುವೆ ವಿತರಣೆಯಾಗಿರುವುದರಿಂದ, ವಿದ್ಯಾರ್ಥಿಗಳಿಗೆ ಪರೀಕ್ಷೆಗೆ ಹಾಜರಾಗಲು ಅನಾನುಕೂಲ ತಪ್ಪಿಸಲು, ವಿದ್ಯಾರ್ಥಿಗಳ ತಮ್ಮ ವಾಸಸ್ಥಳದಿಂದ ಪರೀಕ್ಷಾ ಕೇಂದ್ರಕ್ಕೆ ತೆರಳಲು ಅವಕಾಶ ನೀಡಲಾಗಿದೆ ಎಂದು ಸಂಸ್ಥೆ ಪ್ರಕಟಣೆ ತಿಳಿಸಿದೆ.