ಕಾರವಾರ: ಅಕ್ರಮ ಗೋವಾ ಮದ್ಯ ವಶ

ಉಡುಪಿ, ಮಾ.21: ರೈಲ್ವೆ ಪೊಲೀಸರು ಇಂದು ಕಾರವಾರ ನಿಲ್ದಾಣದಲ್ಲಿ ಕೊಂಕಣ ರೈಲುಗಳಲ್ಲಿ ನಡೆಸಿದ ವಿಶೇಷ ತಪಾಸಣೆಯ ವೇಳೆ ಮಡಂಗಾವ್ ಹಾಗೂ ಮಂಗಳೂರು ಡೇಮು ರೈಲಿನಲ್ಲಿ ವಾರಸುದಾರರಿಲ್ಲದ ಅಕ್ರಮ ಮದ್ಯ ವನ್ನು ಪತ್ತೆ ಹಚ್ಚಿದ್ದಾರೆ.

ರೈಲು ನಂ.70105 ಡೇಮು ರೈಲಿನ ಜನರಲ್ ಡಬ್ಬಿಯಲ್ಲಿ ಯಾರೂ ವಾರಸುದಾರರಿಲ್ಲದ ಒಟ್ಟು 54ಲೀ. ಮದ್ಯವಿರುವ ಬೇರೆ ಬೇರೆ ಬ್ರಾಂಡ್‌ನ ವಿವಿಧ ಗಾತ್ರದ 266 ಬಾಟಲುಗಳು ಪತ್ತೆಯಾಗಿವೆ. ವಶಪಡಿಸಿಕೊಂಡ ಮದ್ಯದ ಒಟ್ಟು ಮೌಲ್ಯ 13 ಸಾವಿರ ರೂ.ಗಳೆಂದು ಅಂದಾಜಿಸಲಾಗಿದೆ. ಕೇಸು ದಾಖಲಿಸಿಕೊಂಡಿರುವ ರೈಲ್ವೆ ಪೊಲೀಸರು ವಶಪಡಿಸಿಕೊಂಡ ಮದ್ಯವನ್ನು ಕಾರವಾರದ ಅಬಕಾರಿ ಇಲಾಖೆಗೆ ಹಸ್ತಾಂತರಿಸಿದ್ದಾರೆ ಎಂದು ಕೊಂಕಣ ರೈಲ್ವೆ ಪ್ರಕಟಣೆ ತಿಳಿಸಿದೆ.