ಮೇ 11 ರಂದು ‘ಐಕಾನ್ ಗ್ಯಾಲಕ್ಸಿ’ ವಾಣಿಜ್ಯ ಸಂಕೀರ್ಣಕ್ಕೆ ಶಿಲಾನ್ಯಾಸ

ಮಂಗಳೂರು, ಮೇ 9: ನಗರದ ಕಟ್ಟಡ ನಿರ್ಮಾಣ ಸಂಸ್ಥೆ ಎಚ್‌ಎನ್‌ಜಿಸಿ ಬಿಲ್ಡರ್ಸ್‌ಆ್ಯಂಡ್ ಡೆವಲಪರ್ಸ್‌ ವತಿಯಿಂದ ಸುರತ್ಕಲ್ ಕ್ರಾಸ್‌ನಲ್ಲಿ ನಿರ್ಮಿಸಲು ಉದ್ದೇಶಿಸಿರುವ ‘ಐಕಾನ್ ಗ್ಯಾಲಕ್ಸಿ’ ಸೆಮಿ ಮಾಲ್ ಸಂಕೀರ್ಣಕ್ಕೆ ಮೇ 11ರಂದು ಸಂಜೆ 4 ಗಂಟೆಗೆ ಶಿಲಾನ್ಯಾಸ ನೆರವೇರಲಿದೆ.

ಎರಡು ಅಂತಸ್ತಿನ ಈ ಕಟ್ಟಡ ಶಿಲಾನ್ಯಾಸ ಕಾರ್ಯಕ್ರಮದಲ್ಲಿ ಶಾಸಕ ಮೊದಿನ್ ಬಾವ, ಕೃಷ್ಣಾಪುರ ಖಾಝಿ ಇಬ್ರಾಹೀಂ ಮುಸ್ಲಿಯಾರ್, ಕಸಪಾ ಮಾಜಿ ರಾಜ್ಯಾಧ್ಯಕ್ಷ ಹರಿಕೃಷ್ಣ ಪುನರೂರು, ಕಾರ್ಪೊರೇಟರ್ ಗುಣಕರ ಶೆಟ್ಟಿ, ವರದರಾಜ ಎಚ್.ಕುತ್ತೆತ್ತೂರು ಮೊದಲಾದವರು ಭಾಗವಹಿಸಲಿದ್ದಾರೆ ಎಂದು ಪ್ರಕಟನೆ ತಿಳಿಸಿದೆ.