ಮಹಿಳೆ ಮೃತ್ಯು

ಉಡುಪಿ, ಮೇ 23: ಪುತ್ತೂರು ಗ್ರಾಮ ಅಂಬಾಗಿಲು ತಾಂಗದಗಡಿ ಎಂಬಲ್ಲಿ ಇಂದು ಬೆಳಗ್ಗೆ ಮಹಿಳೆಯೊಬ್ಬರು ಬಿದ್ದು ಮೃತಪಟ್ಟ ಬಗ್ಗೆ ವರದಿಯಾಗಿದೆ.

 ಮೃತರನ್ನು ತಾಂಗದಗಡಿಯ ವಿಠಲ ಪೂಜಾರಿ ಎಂಬವರ ಪತ್ನಿ ಸುಂದರಿ ಪೂಜಾರ್ತಿ (60) ಎಂದು ಗುರುತಿಸಲಾಗಿದೆ.

ಇವರು ಮನೆಯ ಬಾವಿಕಟ್ಟೆ ಬಳಿ ಸ್ವಚ್ಚಗೊಳಿಸುತ್ತಿರುವಾಗ  ಬಿದ್ದರೆನ್ನಲಾಗಿದೆ. ಕೂಡಲೇ ಅವರನ್ನು ಮಣಿಪಾಲ ಆಸ್ವತ್ರೆಗೆ ಕರೆದುಕೊಂಡು ಹೋಗಿದ್ದು, ಅಲ್ಲಿ ವೈದ್ಯರು ಪರೀಕ್ಷಿಸಿ ಸುಂದರಿ ಪೂಜಾರ್ತಿ ಮೃತಪಟ್ಟಿರುವುದಾಗಿ ತಿಳಿಸಿದರು. ಈ ಬಗ್ಗೆ ಉಡುಪಿ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.