ಉತ್ತರಪ್ರದೇಶ: ಮಹಿಳೆಯ ಶವವನ್ನು ಸೈಕಲ್ ನಲ್ಲಿ ಸಾಗಿಸಿದ ರೈಲ್ವೆ ಪೊಲೀಸ್

ಫಿರೋಝಾಬಾದ್, ಜು.2: ಅಪಘಾತದಲ್ಲಿ ಮೃತಪಟ್ಟ ಮಹಿಳೆಯೋರ್ವರ ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗಾಗಿ ಸರಕಾರಿ ರೈಲ್ವೆ ಪೊಲೀಸರು ಸೈಕಲ್ ನಲ್ಲಿ ಸಾಗಿಸಿದ ಘಟನೆ ಉತ್ತರಪ್ರದೇಶದ ಫಿರೋಝಾಬಾದ್ ನಲ್ಲಿ ನಡೆದಿದೆ.

ರೈಲು ಬಡಿದ ಪರಿಣಾಮ ಮೃತಪಟ್ಟಿದ್ದ ಮಹಿಳೆಯ ಶವವನ್ನು ಬಟ್ಟೆಯೊಂದರಲ್ಲಿ ಸುತ್ತಿ ಸಾಗಿಸಲಾಗಿತ್ತು. ತಲೆಯಿಂದ ತೀವ್ರ ರಕ್ತಸ್ರಾವವಾಗುತ್ತಿತ್ತು ಎನ್ನಲಾಗಿದೆ. ಈ ಬಗ್ಗೆ ಪ್ರತಿಕ್ರಿಯಿಸಿರುವ ಪೊಲೀಸ್ ಸಿಬ್ಬಂದಿಯೊಬ್ಬರು, ತಾನು ಕೆಳಗಿನ ಶ್ರೇಣಿಯವನಾಗಿದ್ದು, ಆದ್ದರಿಂದ ಶವವನ್ನು ಸೈಕಲ್ ನಲ್ಲಿ ಸಾಗಿಸಿದ್ದೇನೆ ಎಂದಿದ್ದಾರೆ.

“ಈ ಬಗ್ಗೆ ಹಿರಿಯ ಅಧಿಕಾರಿಗಳಿಗೆ ಹೆಚ್ಚು ತಿಳಿದಿದೆ. ನಾನು ಕೆಳ ಶ್ರೇಣಿಯ ಪೊಲೀಸ್. ಆದ್ದರಿಂದ ಮೃತದೇಹವನ್ನು ಸೈಕಲ್ ನಲ್ಲಿ ಸಾಗಿಸಿದೆ” ಎಂದಿದ್ದಾರೆ ಎನ್ನಲಾಗಿದೆ.