ಎಸ್ಸೆಸ್ಸೆಫ್ ಉಳ್ಳಾಲ: 'ಕ್ಯಾಂಪಸ್ ಕಾನ್ಫಾಬುಲೇಶನ್' ಕಾರ್ಯಕ್ರಮ

ಕೋಣಾಜೆ, ಆ. 26: ಎಸ್ಸೆಸ್ಸೆಫ್ ಉಳ್ಳಾಲ ಡಿವಿಷನ್ ಕ್ಯಾಂಪಸ್ ವತಿಯಿಂದ 'ಕ್ಯಾಂಪಸ್ ಕಾನ್ಫಾಬುಲೇಶನ್' ಕಾರ್ಯಕ್ರಮವು ಡಿವಿಷನ್ ಅಧ್ಯಕ್ಷ ಮುನೀರ್ ಅಹ್ಮದ್ ಕಾಮಿಲ್ ಸಖಾಫಿ ಉಳ್ಳಾಲ ಅವರ ಅಧ್ಯಕ್ಷ ತೆಯಲ್ಲಿ ಅಲ್- ಮದೀನಾ ಹಾಲ್ ತಿಬ್ಲೆಪದವುನಲ್ಲಿ ನಡೆಯಿತು.

ಎಸ್ಸೆಸ್ಸೆಫ್ ದ.ಕ ಜಿಲ್ಲಾ ಕ್ಯಾಂಪಸ್ ಕಾರ್ಯದರ್ಶಿ ಇಸ್ಮಾಯಿಲ್ ಮಾಸ್ಟರ್ ಮೊಂಟೆಪದವು ಕಾರ್ಯಕ್ರಮವನ್ನು ಉದ್ಘಾಟಿಸಿದರು.

ಕೆ.ಜಿ.ಎನ್ ಮಿತ್ತೂರು ಇದರ ಉಪನ್ಯಾಸಕ ಎ.ಕೆ ನಂದಾವರ ತರಗತಿಯನ್ನು ನಡೆಸಿದರು. ವೇದಿಕೆಯಲ್ಲಿ ಡಿವಿಷನ್ ಪ್ರಧಾನ ಕಾರ್ಯದರ್ಶಿ ಶರೀಫ್ ಮುಡಿಪು, ಕೋಶಾಧಿಕಾರಿ ಹಮೀದ್ ತಲಪಾಡಿ, ಉಪಾಧ್ಯಕ್ಷ ಫಾರೂಕ್ ಸಖಾಫಿ ಮದನಿನಗರ, ಸದಸ್ಯರಾದ ಅಝೀಝ್ ಎಚ್.ಕಲ್, ಇಕ್ಬಾಲ್ ಮದ್ಯನಡ್ಕ ಮೊದಲಾದವರು ಉಪಸ್ಥಿತರಿದ್ದರು.

ಡಿವಿಷನ್ ಕ್ಯಾಂಪಸ್ ಕಾರ್ಯದರ್ಶಿ ಇಲ್ಯಾಸ್ ಪೊಟ್ಟೊಳಿಕೆ ಸ್ವಾಗತಿಸಿ, ವಂದಿಸಿದರು.