ಸಮುದ್ರದಲ್ಲಿ ಮುಳುಗಿ ಮೀನುಗಾರ ಮೃತ್ಯು

ಕೋಟ, ಅ.25: ಸುಮಾರು ಎರಡು ನಾಟಿಕಲ್ ಮೈಲು ದೂರದ ಮಣೂರು ಗ್ರಾಮದ ಅರಬ್ಬಿ ಸಮುದ್ರದಲ್ಲಿ ಅ.25ರಂದು ಬೆಳಗ್ಗೆ 7:30ರ ಸುಮಾರಿಗೆ ಮೀನುಗಾರಿಕೆ ನಡೆಸುತ್ತಿದ್ದಾಗ ವ್ಯಕ್ತಿಯೊಬ್ಬರು ಬೋಟಿನಿಂದ ಆಯ ತಪ್ಪಿ ನೀರಿಗೆ ಬಿದ್ದು ಮೃತಪಟ್ಟ ಘಟನೆ ನಡೆದಿದೆ.

 ಮೃತರನ್ನು ಮಣೂರು ಗ್ರಾಮದ ಸುಕ್ರ ಪೂಜಾರಿ(57) ಎಂದು ಗುರುತಿಸ ಲಾಗಿದೆ. ಇವರು ಇತರ ಮೀನುಗಾರರೊಂದಿಗೆ ಹಂಗಾರಕಟ್ಟೆ ದಕ್ಕೆಯಿಂದ ಧನಲಕ್ಷ್ಮೀ ಬೋಟಿನಲ್ಲಿ ಹೊರಟಿದ್ದು, ಸಮುದ್ರದಲ್ಲಿ ಬಲೆ ಹಾಕಿ ಎಳೆಯುವಾಗ ಸುಕ್ರ ಪೂಜಾರಿ ಆಯತಪ್ಪಿ ಸಮುದ್ರಕ್ಕೆ ಬಿದ್ದು ಮೃತಪಟ್ಟರೆನ್ನಲಾಗಿದೆ. ಈ ಬಗ್ಗೆ ಕೋಟ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.