ಎ. 14-ಪಿಲಿಕುಳ ಗುತ್ತು ಮನೆಯಲ್ಲಿ ಬಿಸು ಪರ್ಬ
Update: 2018-03-28 20:39 IST
ಮಂಗಳೂರು, ಮಾ. 28: ಪಿಲಿಕುಳ ಗುತ್ತುಮನೆಯಲ್ಲಿ ಪ್ರತಿವರ್ಷದಂತೆ ಬಿಸುಪರ್ಬವನ್ನು ಎ.14ರಂದು ಪೂರ್ವಾಹ್ನ 10 ಗಂಟೆಗೆ ಬಿಸುಕಣಿ ಆಚರಣೆಯ ಜೊತೆ ಜಾನಪದ ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮಗಳೊಂದಿಗೆ ಆಯೋಜಿಸಲಾಗಿದೆ.
ಮಧ್ಯಾಹ್ನ 1 ಗಂಟೆಗೆ ಬಿಸುಪರ್ಬದ ವಿವಿಧ ಬಗೆಯ ಖಾದ್ಯಗಳೊಂದಿಗೆ ವಿಶೇಷ ಭೋಜನದ ವ್ಯವಸ್ಥೆಯನ್ನು ಕೂಡಾ ಮಾಡಲಾಗಿದೆ. ವಿಶೇಷ ಭೋಜನದ ಕೂಪನ್ಗಳು ದ.ಕ. ಜಿಲ್ಲಾಧಿಕಾರಿಯವರ ಕಚೇರಿಯ 2ನೆ ಮಹಡಿಯಲ್ಲಿರುವ ನಗರಾಭಿವೃದ್ಧಿಕೋಶ, ಕದ್ರಿ ಮಲ್ಲಿಕಟ್ಟೆಯ ಪರಂಪರಾ ಮತ್ತು ಪಿಲಿಕುಳ ಮುಖ್ಯದ್ವಾರದ ಬಾಕ್ಸ್ ಆಫೀಸ್ನಲ್ಲಿ ಲಭ್ಯವಿರುತ್ತದೆ.
ಈ ವಿಶೇಷ ಭೋಜನದ ಕೂಪನ್ಗಳನ್ನು ಪಡೆದವರು ಎ.14 ರಂದು ಪಿಲಿಕುಳದ ಎಲ್ಲಾ ಆಕರ್ಷಣೆಗಳಿಗೆ ಉಚಿತ ಪ್ರವೇಶವನ್ನು ಪಡೆಯಬಹುದು ಎಂದು ಕಾರ್ಯನಿರ್ವಾಹಕ ನಿರ್ದೇಶಕರ ಪ್ರಕಟನೆ ತಿಳಿಸಿದೆ.