ಬಂಟ್ವಾಳ: ಕೇರಳ ಸರಕಾರಿ ಬಸ್ ಗೆ ಕಲ್ಲು ತೂರಾಟ

ಬಂಟ್ವಾಳ, ಜ. 2: ಬೈಕ್ ನಲ್ಲಿ ಬಂದ ಅಪರಿಚಿತರು ಕೇರಳ ಸರಕಾರಿ ಬಸ್ ಗೆ ಕಲ್ಲು ಹೊಡೆದು ಪರಾರಿಯಾದ ಘಟನೆ ಕೇಪು ಕಲ್ಲಂಗಳ ಆಶ್ರಮ ಶಾಲೆಯ ಸಮೀಪ ಬುಧವಾರ ನಡೆದಿದೆ.

ಪುತ್ತೂರು - ಕಾಸರಗೋಡು ಸಂಚರಿಸುವ ಬಸ್ ವಿಟ್ಲ ಕಡೆಯಿಂದ ಪೆರ್ಲ ಕಡೆಗೆ ಹೋಗುವಾಗ ಈ ಘಟನೆ ನಡೆದಿದೆ. ಕೇಪು ದ್ವಾರದಿಂದ ಬಸ್ ಅನ್ನು  ಹಿಂದಿಕ್ಕಿದ ಬೈಕ್, ಆಶ್ರಮ ಶಾಲೆಯ ಸಮೀಪ ಏಕಾಏಕಿ ಬಸ್ ನ ಮೇಲೆ ಕಲ್ಲು ತೂರಿ ಬೈಕ್ ನಲ್ಲಿ  ಪರಾರಿಯಾಗಿದ್ದಾರೆಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ. ಬೈಕ್ ಗೆ ಬದಿಕೊಡವ  ವಿಚಾರದಲ್ಲಿ ಕಲ್ಲು ತೂರಾಟ  ಮಾಡಲಾಗಿದೆ ಎಂದು ಪ್ರಯಾಣಿಕರು ತಿಳಿಸಿದ್ದಾರೆ.

ಘಟನೆಯ ಬಗ್ಗೆ ವಿಟ್ಲ ಠಾಣೆಗೆ ದೂರು ನೀಡಿದ್ದು, ಸ್ಥಳಕ್ಕೆ ಭೇಟಿ ನೀಡಿದ ಪೊಲೀಸರು ಪರಿಶೀಲನೆ ನಡೆಸಿದ್ದಾರೆ.