ಅಂಜುಮನ್ ಶಿಕ್ಷಣ ಸಂಸ್ಥೆಯ ಬಿಎಡ್ ಕಾಲೇಜಿಗೆ ಶೇ.100 ಫಲಿತಾಂಶ
Update: 2019-02-08 19:58 IST
ಭಟ್ಕಳ, ಫೆ. 8: ಇಲ್ಲಿನ ಪ್ರತಿಷ್ಟಿತ ಅಂಜುಮನ್ ಹಾಮಿಯೆ ಮುಸ್ಲಿಮೀನ್ ಶಿಕ್ಷಣ ಸಂಸ್ಥೆಯ ಅಂಜುಮನ್ ಬಿ.ಎಡ್ ಕಾಲೇಜಿಗೆ ಕರ್ನಾಟಕ ವಿಶ್ವವಿದ್ಯಾಲಯ ನವೆಂಬರ್ 2018ರಲ್ಲಿ ನಡೆಸಿದ ಬಿ.ಎಡ್ ಅಂತಿಮ ವರ್ಷದ ಪರೀಕ್ಷೆಯಲ್ಲಿ ಶೇ.100 ಫಲಿತಾಂಶ ಪಡೆದುಕೊಂಡಿದೆ ಎಂದು ಸಂಸ್ಥೆಯು ಪ್ರಕಟಣೆಯಲ್ಲಿ ತಿಳಿಸಿದೆ.
ಪರೀಕ್ಷೆಗೆ ಹಾಜರಾಗಿದ್ದ 35 ವಿದ್ಯಾರ್ಥಿಗಳ ಪೈಕಿ 34 ವಿದ್ಯಾರ್ಥಿಗಳು ಉನ್ನತ ಶ್ರೇಣಿ ಹಾಗೂ ಓರ್ವ ವಿದ್ಯಾರ್ಥಿ ಮೊದಲನೇ ದರ್ಜೆಯಲ್ಲಿ ಉತ್ತೀರ್ಣರಾಗಿದ್ದಾರೆ.
ವಿದ್ಯಾರ್ಥಿಗಳಾದ ವಿದ್ಯಾಶ್ರೀ ರಾಮಕೃಷ್ಣ ಶೇ. 91.33, ಕೀರ್ತಿ ಪೈ ಶೇ. 89.83, ಪ್ರತಿಮಾ ಎಂ.ಗೊಂಡ ಮತ್ತು ಸುಚಿತ್ರಾ ಅಣ್ಣಯ್ಯ ನಾಯ್ಕ ಶೇ.89.67, ಮಂಜುನಾಥ ನಾಯ್ಕ ಶೇ.89.17 ಹಾಗೂ ದೀಕ್ಷಾ ಶ್ಯಾನಭಾಗ ಶೇ.89 ಅಂಕ ಪಡೆಯುವ ಮೂಲಕ ಸಾಧನೆ ಮಾಡಿದ್ದಾರೆ.