ಗುಡ್ಡೆಅಂಗಡಿ ನೂರುದ್ದೀನ್ ಜುಮಾ ಮಸೀದಿ: ಅಧ್ಯಕ್ಷರಾಗಿ ಎಸ್. ಮುಹಮ್ಮದ್ ಸಜಿಪ ಆಯ್ಕೆ

ಬಂಟ್ವಾಳ : ಪಾಣೆಮಂಗಳೂರು ಸಮೀಪದ ಗುಡ್ಡೆಅಂಗಡಿ ನೂರುದ್ದೀನ್ ಜುಮಾ ಮಸೀದಿಯ ಆಡಳಿತ ಸಮಿತಿ ನೂತನ ಅಧ್ಯಕ್ಷರಾಗಿ ಎಸ್. ಮುಹಮ್ಮದ್ ಸಜಿಪ ಹಾಗೂ ಪ್ರಧಾನ ಕಾರ್ಯದರ್ಶಿಯಾಗಿ ಅಬೂಬಕ್ಕರ್ ಮೆಲ್ಕಾರ್ ಅವರು ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ. 

ಇತ್ತೀಚೆಗೆ ಇಲ್ಲಿನ ಮದ್ರಸಾ ಸಭಾಂಗಣದಲ್ಲಿ ನಡೆದ ವಾರ್ಷಿಕ ಮಹಾಸಭೆಯಲ್ಲಿ ಈ ಆಯ್ಕೆ ಪ್ರಕ್ರಿಯೆ ನಡೆದಿದೆ. ಉಪಾಧ್ಯಕ್ಷರಾಗಿ ಅಬ್ದುಲ್ ಹಮೀದ್ ಎ.ಎಂ., ಜೊತೆ ಕಾರ್ಯದರ್ಶಿಗಳಾಗಿ ಮುಹಮ್ಮದ್ ಹನೀಫ್ ಎಸ್.ಎಂ.ಎನ್. ಹಾಗೂ ಮುಹಮ್ಮದ್ ನೌಫಲ್, ಲೆಕ್ಕಪರಿಶೋಧಕರಾಗಿ ಉಮ್ಮರ್ ಫಾರೂಕ್, ಕೋಶಾಧಿಕಾರಿಯಾಗಿ ಅಬ್ದುಲ್ಲ ಅವರನ್ನು ಆರಿಸಲಾಯಿತು. 

ಕಾರ್ಯಕಾರಿ ಸಮಿತಿ ಸದಸ್ಯರುಗಳಾಗಿ ಪಿ.ಬಿ. ಅಹ್ಮದ್ ಹಾಜಿ ಬಂಗ್ಲೆಗುಡ್ಡೆ, ಯೂಸುಫ್ ಮಿತ್ತೂರು, ಅಬ್ದುಲ್ ಮಜೀದ್ ಡ್ರೈವರ್, ಅಬ್ದುಲ್ ಮಜೀದ್ ಮೇಸ್ತ್ರಿ, ಅಬ್ದುಲ್ ಮಜೀದ್ ದರ್ಖಾಸ್ ಅವರುಗಳನ್ನು ನೇಮಿಸಲಾಯಿತು.