ಕಾಪು: ಮೆಸ್ಕಾಂ ಲೈನ್ಮ್ಯಾನ್ ಗಳಿಗೆ ಹೆಡ್ ಟಾರ್ಚ್ ವಿತರಣೆ
ಕಾಪು: ಸಮಾಜ ಸೇವಾ ವೇದಿಕೆ ಕಳತ್ತೂರು, ಕಾಪು ಹಾಗೂ ರೋಟರಿ ಕ್ಲಬ್ ಶಿರ್ವ ಇದರ ವತಿಯಿಂದ ಮೆಸ್ಕಾಂ ಮಾರ್ಗದಾಳು (ಲೈನ್ಮ್ಯಾನ್) ರಿಗೆ ಹೆಡ್ಟಾರ್ಚ್ ಹಾಗೂ ಇತರ ಎಲೆಕ್ಟ್ರಿಕಲ್ ಸಾಮಗ್ರಿಗಳನ್ನು ಕಾಪು ಮೆಸ್ಕಾಂ ಕಚೇರಿಯಲ್ಲಿ ಸಹಾಯಕ ಕಾರ್ಯ ನಿರ್ವಾಹಕ ಇಂಜಿನಿಯರ್ ಹರೀಶ್ ಕುಮಾರ್ ಅವರ ಅಧ್ಯಕ್ಷತೆಯಲ್ಲಿ ಸಮಾಜ ಸೇವಾ ವೇದಿಕೆ ಕಳತ್ತೂರು - ಕಾಪು ಅಧ್ಯಕ್ಷ ಮಹಮ್ಮದ್ ಫಾರೂಕ್ ಹಾಗೂ ರೋಟರಿ ಕ್ಲಬ್ ಶಿರ್ವ ಅಧ್ಯಕ್ಷ ಸುನೀರ್ ಕಾಬ್ರಲ್ ಶಿರ್ವ ಅವರು ವಿತರಿಸಿದರು.
ಈ ಸಂದರ್ಭ ಮಾತನಾಡಿದ ಮಹಮ್ಮದ್ ಫಾರೂಕ್ ಅವರು ಲೈನ್ಮ್ಯಾನ್ ಗಳು ಗಾಳಿ, ಮಳೆ ಲೆಕ್ಕಿಸದೆ ಸಮಾಜ ಮುಖಿಯಾಗಿ ತಮ್ಮ ಕೆಲಸ ಕಾರ್ಯ ನಿರ್ವಹಿಸುವುದು, ಕರೆಂಟ್ ಹೋದ ತಕ್ಷಣ ಕರೆಗೆ ಸ್ಪಂದಿಸಿ ಸರಿಪಡಿಸುತ್ತಿರುವ ವಿಷಯ ನಿಜಕ್ಕೂ ಶ್ಲಾಘನೀಯ ಎಂದರು.
ಸಹಾಯಕ ಕಾರ್ಯ ನಿರ್ವಾಹಕ ಇಂಜಿನಿಯರ್ ಹರೀಶ್ ಕುಮಾರ್ ಮಾತನಾಡಿ ಲೈನ್ಮ್ಯಾನ್ ಗಳು ಭಾರತದ ಎರಡನೇ ಸೈನಿಕರಂತೆ ಎಂದರು.
ಈ ಸಂದರ್ಭ ತಾ.ಪಂ. ಸದಸ್ಯರಾದ ಮೈಕಲ್ ಡಿಸೋಜ, ದಿವಾಕರ ದಿ.ಶೆಟ್ಟಿ ಕಳತ್ತೂರು, ರಾಘವೇಂದ್ರ ಭಟ್ ಕಳತ್ತೂರು, ಸಂಶುದ್ದೀನ್ ಯುಸೂಫ್ ಚಂದ್ರನಗರ, ದಿವಾಕರ ದಿ.ಶೆಟ್ಟಿ ಕಳತ್ತೂರು, ರಾಜೇಶ್ ಕುಮಾರ್ ಕತ್ಯಾರು, ಮಲ್ಸಿನ್ ಡಿಸೋಜ ಶಿರ್ವ, ಸ್ಟಾವ್ಲಿಸನ್ ಕೋದ್ದ, ಎಂ.ಎಚ್ ಅಬ್ದುಲ್ ಹಮೀದ್, ಲೋಕೇಶ್ ಉಚ್ಚಿಲ ಹಾಗೂ ರೋಟರಿ ಕ್ಲಬ್ ಸದ್ಯಸ್ಯರು, ಸಮಾಜ ಸೇವಾ ಸದಸ್ಯರು, ಕಾಪು ಮೆಸ್ಕಾಂ ಸಿಬ್ಬಂದಿ ಉಪಸ್ಥಿತರಿದರು.
ಕಾಪು ಶಾಖೆಯ ಸಹಾಯಕ ಇಂಜಿನಿಯರ್ ಅವಿನಾಶ್ ಸ್ವಾಗಿತಿಸಿದರು. ದಿವಾಕರ ದಿ.ಶೆಟ್ಟಿ ಕಳತ್ತೂರು ಕಾರ್ಯಕ್ರಮ ನಿರೂಪಿಸಿದರು.