ಹೂಡೆ: ಹಾಜಿ ಮೊಹಮ್ಮದ್ ಇಸ್ಮಾಯಿಲ್ ಸಾಹೇಬ್ ನಿಧನ

ಉಡುಪಿ, ಸೆ. 4: ತೋನ್ಸೆ ಹೂಡೆ ಕದಿಮಿ ಜಾಮೀಯ ಮಸೀದಿಯಲ್ಲಿ ಸುಧೀರ್ಘ 63ವರ್ಷಗಳ ಕಾಲ ಪೇಶ್ ಇಮಾಮ್‌ರಾಗಿ ಸೇವೆ ಸಲ್ಲಿಸಿದ್ದ ಹಾಜಿ ಖಾಜಿ ಮೊಹಮ್ಮದ್ ಇಸ್ಮಾಯಿಲ್ ಸಾಹೇಬ್ ತೋನ್ಸೆ(99) ಆ.31ರಂದು ನಿಧನರಾದರು.

ಈ ಮಸೀದಿಯಲ್ಲಿ ಖಾಜಿ ಪರಂಪರೆಯ ಇವರ ತಾತ ಮುತ್ತಾತಂದಿರು ಇಮಾಮ್‌ರಾಗಿ ಸೇವೆ ಸಲ್ಲಿಸಿಕೊಂಡು ಬಂದಿದ್ದು, ಇವರು 2010ರಲ್ಲಿ ನಿವೃತ್ತಿ ಹೊಂದಿ ವಿಶ್ರಾಂತಿ ಜೀವನ ನಡೆಸುತ್ತಿದ್ದರು. ತೋನ್ಸೆಯ ಪ್ರಥಮ ವಿದ್ಯಾ ಕೇಂದ್ರ ದಾರುಸ್ಸಲಾಂ ಅರೆಬಿಕ್ ಕಾಲೇಜಿನಲ್ಲಿ ಹಲವು ವರ್ಷಗಳ ಕಾಲ ಮುದರ್ರಿಸ್ ಆಗಿ ಇವರು ಸೇವೆ ಸಲ್ಲಿಸಿದ್ದರು.

ಇವರು ಮೌಲಾನ ಮೊಹಮ್ಮದ್ ಶರ್ಫುಲ್ಲಾ ಸಹಿತ ಮೂವರು ಪುತ್ರರು ಹಾಗೂ ಆರು ಪುತ್ರಿಯರನ್ನು ಮತ್ತು ಅಪಾರ ಬಂಧು ಬಳಗವನ್ನು ಅಗಲಿದ್ದಾರೆ.

ಇವರ ನಿಧನಕ್ಕೆ ತೋನ್ಸೆ ಜಮಾತುಲ್ ಮುಸ್ಲಿಮೀನ್, ಕದಿಮಿ ಮಸೀದಿಯ ಆಡಳಿತ ಸಮಿತಿ ಅಧ್ಯಕ್ಷರು, ಪದಾಧಿಕಾರಿಗಳು, ಸರ್ವ ಸದಸ್ಯರು ಸಂತಾಪ ವ್ಯಕ್ತಪಡಿಸಿದ್ದಾರೆ.