ಪೊಲೀಸ್ ಕವಾಯತು: ತುಳುವಿನಲ್ಲಿ ಆಹ್ವಾನ ನೀಡಿದ ಕಮಿಷನರ್

ಮಂಗಳೂರು, ಸೆ.12: ಶುಕ್ರವಾರ ಪೊಲೀಸ್ ಮೈದಾನದಲ್ಲಿ ನಡೆಯಲಿರುವ ಸೇವಾ ಕವಾಯತು ಬಗ್ಗೆ ಮಂಗಳೂರು ಪೊಲೀಸ್ ಕಮಿಷನರ್ ಡಾ.ಹರ್ಷ ಪಿ.ಎಸ್. ತುಳುವಿನಲ್ಲೇ ಟ್ವೀಟ್ ಮಾಡಿ ಎಲ್ಲರ ಗಮನ ಸೆಳೆದಿದ್ದಾರೆ.

ಗುರುವಾರ ಸಂಜೆ ತುಳುವಿನಲ್ಲೇ ಟ್ವೀಟ್ ಮಾಡಿರುವ ಕಮಿಷನರ್ ‘ಕುಡ್ಲದ ಪೊಲೀಸ್ ಮೈದಾನಡ್ ಎಲ್ಲೆ ಕಾಂಡೆ 8-9ಗಂಟೆ ಮುಟ್ಟ ಪೊಲೀಸ್ ಸೇವಾ ಕವಾಯತು ನಡಪೆರೆ ಉಂಡು. ಯಾನ್ ಅಧಿಕಾರ ಸ್ವೀಕಾರ ಮಲ್ತಿಬೊಕ್ಕ ಎನ್ನ ಸುರುತಾ ಕಾರ್ಯಕ್ರಮ. ಜಿಲ್ಲೆದ ಪೂರ ಪೊಲೀಸ್ ಅಧಿಕಾರಿಲು, ಸಿಬ್ಬಂದಿಲೆಡ ಪಾತೆರ ಬಾರಿ ಉಮೆದುಡುಲ್ಲೆ. ಅಂಚೆನೆ ಈ ಕಾರ್ಯಕ್ರಮ ಇಲಾಖೆದ ಫೇಸ್ ಬುಕ್, ಟ್ವಿಟರ್ಡ್ ಪ್ರಸಾರ ಆಪುನೆಟತ್ರ ಜನಕುಲು ಇಲ್ಲಡೆ ತೂವೊಲಿ’ ಎಂಬ ಸಂದೇಶ ಪ್ರಕಟಿಸಿದ್ದಾರೆ.