ರಾಷ್ಟ್ರೀಯ ಮಟ್ಟದ ಕರಾಟೆ ಸ್ಪರ್ಧೆಯಲ್ಲಿ ಅಫ್ಲಾಹ್ ಅಮನ್ ಗೆ ಚಿನ್ನದ ಪದಕ

ಮಂಗಳೂರು, ಜ.10: ಮೂಡಬಿದಿರೆಯಲ್ಲಿ ಇತ್ತೀಚೆಗೆ ನಡೆದ 5ನೇ ರಾಷ್ಟ್ರೀಯ ಮಟ್ಟದ ಮುಕ್ತ ಕರಾಟೆ ಸ್ಪರ್ಧೆಯಲ್ಲಿ ಮೂಡುಬಿದಿರೆಯ ಅಲ್ - ಫುರ್ಖಾನ್ ಆಂಗ್ಲ ಮಾಧ್ಯಮ ಶಾಲೆಯ ವಿದ್ಯಾರ್ಥಿ ಅಫ್ಲಾಹ್ ಅಮನ್ 30-35 ಕೆ.ಜಿ. ವಿಭಾಗದಲ್ಲಿ ಪ್ರಥಮ ಸ್ಥಾನದೊಂದಿಗೆ ಚಿನ್ನದ‌ ಪದಕ ಗಳಿಸಿದ್ದಾರೆ.

ಅಫ್ಲಾಹ್ ಕಳೆದ ವರ್ಷ ಅಗಸ್ಟ್ ನಲ್ಲಿ ನಡೆದಿದ್ದ ರಾಜ್ಯಮಟ್ಟದ ಮುಕ್ತ ಕರಾಟೆ ಸ್ಪರ್ಧೆಯಲ್ಲಿಯೂ ಪ್ರಥಮ ಸ್ಥಾನ ಗಳಿಸಿದ್ದರು. ಅಫ್ಲಾಹ್ ಅಮನ್ ಅವರು ಕೈಕಂಬ ಗಂಜಿಮಠದ ಅಲ್ ಅಮೀನ್ ಮತ್ತು ರೆಹನಾ ದಂಪತಿಯ ಪುತ್ರರಾಗಿದ್ದಾರೆ.