ಸಿ.ಎ. ಫಲಿತಾಂಶ: ಆಳ್ವಾಸ್‍ನ ವಿಕಾಸ್ ಐ. ಅಂಚನ್‍ಗೆ 6ನೇ ರ್ಯಾಂಕ್

ಮೂಡುಬಿದಿರೆ : ನವಂಬರ್ 2019ರಲ್ಲಿ ನಡೆದ ಸಿ.ಎ. ಫೈನಲ್ ಪರೀಕ್ಷೆಯಲ್ಲಿ ಆಳ್ವಾಸ್ ಪದವಿ ಕಾಲೇಜಿನ 4 ಜನ ವಿದ್ಯಾರ್ಥಿಗಳು ಉತ್ತೀರ್ಣರಾಗಿ ವಿಶೇಷ ಸಾಧನೆ ಮೆರೆದಿದ್ದಾರೆ. ಕಾಲೇಜಿನ ಬಿ.ಕಾಂ. ಪದವಿಯ 2017ನೇ ಬ್ಯಾಚ್‍ನ  ವಿದ್ಯಾರ್ಥಿ ವಿಕಾಸ್ ಐ. ಅಂಚನ್ ದೇಶದಲ್ಲಿ 6ನೇ ರ್ಯಾಂಕ್‍ನೊಂದಿಗೆ ಉತ್ತೀರ್ಣರಾಗಿದ್ದಾರೆ.

ಇವರು ಸಿ.ಎ. ಫೈನಲ್‍ನ ಗ್ರೂಪ್-1 ಮತ್ತು ಗ್ರೂಪ್-2 ಪರೀಕ್ಷೆಯನ್ನು ಒಮ್ಮೆಗೆ ಎದುರಿಸಿ, ಉತ್ತೀರ್ಣರಾಗಿ ಅನನ್ಯ ಸಾಧನೆ ಮಾಡುವ ಮೂಲಕ ಕಾಲೇಜಿನ ಕೀರ್ತಿಯನ್ನು ಇನ್ನಷ್ಟು ಹೆಚ್ಚಿಸಿದ್ದಾರೆಂದು ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ಅಧ್ಯಕ್ಷ ಡಾ.ಎಂ.ಮೋಹನ ಆಳ್ವ ಬುಧವಾರ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದ್ದಾರೆ.

ವಿಕಾಸ್ ಅವರು 2014 ರಲ್ಲಿ ಸಿ.ಎ.-ಸಿಪಿಟಿ ಪರೀಕ್ಷೆಯಲ್ಲಿ ರಾಜ್ಯಕ್ಕೆ ಪ್ರಥಮ ಸ್ಥಾನ ಹಾಗೂ 2016ರಲ್ಲಿ ಸಿ.ಎ.-ಇಂಟರ್ ಮೀಡಿಯಟ್ ಪರೀಕ್ಷೆಯಲ್ಲಿ ಪ್ರಥಮ ಪ್ರಯತ್ನದಲ್ಲಿ ಯಶಸ್ವಿಯಾಗಿರುತ್ತಾರೆ. ಇವರು ತಮ್ಮ ಪದವಿಪೂರ್ವ ಮತ್ತು ಪದವಿ ಶಿಕ್ಷಣವನ್ನು ಆಳ್ವಾಸ್ ಕಾಲೇಜಿನಲ್ಲಿ ಉಚಿತ ಶಿಕ್ಷಣ ವ್ಯವಸ್ಥೆಯಲ್ಲಿ ಪೂರೈಸಿರುತ್ತಾರೆ.  ಪ್ರಸ್ತುತ ಬೆಂಗಳೂರಿನ ಸತೀಶ್ ಎಸ್. ಬಿರಾದರ್ ಆ್ಯಂಡ್ ಕೊ.ಯಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದಾರೆ.

ಆಳ್ವಾಸ್ ಕಾಲೇಜಿನ ಬಿ.ಕಾಂ. ಹಳೆ ವಿದ್ಯಾರ್ಥಿಗಳಾದ ಸುಕೇಶ್ ಕಶ್ಯಪ್ ವೈ., ಗಣಪತಿ ಹೆಗ್ಡೆ, ಶುಭಾ ಹೆಗ್ಡೆ  ಸಿ.ಎ. ಫೈನಲ್ ಪರೀಕ್ಷೆಯಲ್ಲಿ ಉತ್ತಮ ಫಲಿತಾಂಶದೊಂದಿಗೆ ಉತ್ತೀರ್ಣರಾದ ಉಳಿದ ಮೂವರು ವಿದ್ಯಾರ್ಥಿಗಳಾಗಿದ್ದಾರೆ.

ಸುಕೇಶ್ ಕಶ್ಯಪ್ ವೈ., ಗ್ರೂಪ್-1 ಮತ್ತು ಗ್ರೂಪ್-2  ವಿಭಾಗದಲ್ಲಿ ಒಂದೇ ಬಾರಿ ಉತ್ತೀರ್ಣರಾಗಿ ಉತ್ತಮ ಅಂಕಗಳೊಂದಿಗೆ ತೇರ್ಗಡೆ ಹೊಂದಿರುತ್ತಾರೆ. ಗಣಪತಿ ಹೆಗ್ಡೆ, ಶುಭಾ ಹೆಗ್ಡೆ ಸಿ.ಎ. ಫೈನಲ್ ಪರೀಕ್ಷೆಯ ಗ್ರೂಪ್-2 ವಿಭಾಗದಲ್ಲಿ ಉತ್ತೀರ್ಣರಾಗಿ ಸಿ.ಎ. ಆಗಿರುತ್ತಾರೆ. 

ಸಿ.ಎ. - ಇಂಟರ್ ಮೀಡಿಯಟ್ ಪರೀಕ್ಷಾ ಫಲಿತಾಂಶ

ನವಂಬರ್ 2019 ರಲ್ಲಿ ನಡೆದ 'ಸಿ.ಎ. - ಇಂಟರ್ ಮೀಡಿಯಟ್' ಪರೀಕ್ಷೆಯಲ್ಲಿ ಆಳ್ವಾಸ್ ಕಾಲೇಜು ಗ್ರೂಪ್-1 ವಿಭಾಗದಲ್ಲಿ 70%  ಫಲಿತಾಂಶವನ್ನು ಪಡೆದುಕೊಂಡಿದೆ. ವಿದ್ಯಾರ್ಥಿಗಳಾದ ಕೌಶಿಕ್ ಬಿ., ಮಧುರಾ ಹೆಗ್ಡೆ, ಪ್ರಜ್ವಲ್ ಬಿ. ಶೆಟ್ಟಿ, ಪೂಜಾ ಎ. ಬೆಡಗೆ, ಸ್ವಾತಿ ಕಿಣಿ, ನಿಶಾ ಎಸ್. ಶೆಟ್ಟಿ, ನವೀನ್ ಪೈ ಇವರು ಗ್ರೂಪ್-1 ವಿಭಾಗದಲ್ಲಿ ಉತ್ತಮ ಫಲಿತಾಂಶದೊಂದಿಗೆ ಉತ್ತೀರ್ಣರಾಗಿರುತ್ತಾರೆ.

ಗ್ರೂಪ್-2 ವಿಭಾಗದಲ್ಲಿ  60% ಫಲಿತಾಂಶವನ್ನು ಪಡೆದುಕೊಂಡಿದ್ದು, ವಿದ್ಯಾರ್ಥಿಗಳಾದ ಪ್ರಥ್ವಿ ಎಲ್. ಜಿ., ಸಚಿನ್ ಸತ್ಯನಾರಾಯಣ ಶೇಠ್, ದಿಶಾ ಪೈ, ಅಶ್ವಿತಾ ಎಸ್. ಶೆಟ್ಟಿ, ನವ್ಯಶ್ರೀ ಬಿ., ರೊವಿಟಾ ಎಂ. ಪಿ., ಗ್ರೂಪ್-2 ವಿಭಾಗದಲ್ಲಿ ಉತ್ತೀರ್ಣರಾಗಿ ಉತ್ತಮ ಫಲಿತಾಂಶ ಹೊಂದಿದ್ದಾರೆ.

ಸಿ.ಎ. - ಫೌಂಡೇಶನ್ ಪರೀಕ್ಷಾ ಫಲಿತಾಂಶ
ನವಂಬರ್ 2019 ರಲ್ಲಿ ನಡೆದ ಸಿ.ಎ. - ಫೌಂಡೇಶನ್ ಪರೀಕ್ಷೆಯಲ್ಲಿ ಆಳ್ವಾಸ್ ನ ವಿದ್ಯಾರ್ಥಿಗಳಾದ ಶರಣ್ ಕುಮಾರ್ ಎಂ. ಎಸ್., ಆತ್ಮೀಯ ಎಂ.ಪಿ., ಭಾವನಾ ಬಿ. ಅಂಬೇಕರ್, ಶ್ರೇಯಾ ಎಸ್. ಶೆಟ್ಟಿ, ಕಿಶೋರ್ ಎನ್. ಬರದ್ವಾಡ್, ಸಫ್ವಾನ್ ಸಲೀಮ್, ಪೂಜಾರಿ ಶಬರಿ ಸದಾನಂದ, ಪುಷ್ಪಲತಾ ಕೆ., ಚೇತನ್ ಎಮ್. ಪೂಜಾರಿ, ಇವರು ಉತ್ತೀರ್ಣರಾಗಿ ಉತ್ತಮ ಫಲಿತಾಂಶ ಹೊಂದಿದ್ದಾರೆ. ನವಂಬರ್ 2019 ರಲ್ಲಿ ನಡೆದ ಸಿ.ಎ. - ಫೌಂಡೇಶನ್ ಪರೀಕ್ಷೆಯಲ್ಲಿ ಆಳ್ವಾಸ್ 43% ಫಲಿತಾಂಶವನ್ನು ಪಡೆದುಕೊಂಡಿದೆ ಎಂದು ಆಳ್ವ ಅವರು ತಿಳಿಸಿದ್ದಾರೆ.
ಪ್ರಾಂಶುಪಾಲರಾದ ಡಾ. ಕುರಿಯನ್, ಸಿ.ಎ. ಸಂಯೋಜಕರಾದ ಅಪರ್ಣಾ, ಅನಂತಶನಯ ಪತ್ರಿಕಾಗೋಷ್ಠಿಯಲ್ಲಿ ಉಪಸ್ಥಿತರಿದ್ದರು.
ಚಿತ್ರಗಳು : 5 ಮೂಡ್ ವಿಕಾಸ್ ಐ.ಅಂಚನ್, ಸುಕೇಶ್ ಕಶ್ಯಪ್ ವೈ., ಗಣಪತಿ ಹೆಗ್ಡೆ, ಶುಭಾ ಹೆಗ್ಡೆ