ಅಮೆರಿಕ: ಕೊರೋನ ವೈರಸ್ನಿಂದ ಒಂದೇ ದಿನದಲ್ಲಿ 139 ಸಾವು
ವಾಶಿಂಗ್ಟನ್, ಮಾ. 24: ಅಮೆರಿಕದಲ್ಲಿ ಸೋಮವಾರ ಒಂದೇ ದಿನದಲ್ಲಿ 139 ಮಂದಿ ಕೊರೋನವೈರಸ್ನಿಂದಾಗಿ ಮೃತಪಟ್ಟಿದ್ದಾರೆ. ಒಂದೇ ದಿನದಲ್ಲಿ 139ಕ್ಕಿಂತ ಅಧಿಕ ಸಾವುಗಳು ಅಮೆರಿಕದಲ್ಲಿ ವರದಿಯಾಗಿರುವುದು ಇದೇ ಮೊದಲು.
ಅಲ್ಲಿ ಸೋಮವಾರದವರೆಗೆ 43,700ಕ್ಕೂ ಅಧಿಕ ಸೋಂಕು ಪ್ರಕರಣಗಳು ವರದಿಯಾಗಿವೆ. ಈ ಪೈಕಿ 10,000ಕ್ಕೂ ಅಧಿಕ ಪ್ರಕರಣಗಳು ಒಂದೇ ದಿನದಲ್ಲಿ ದಾಖಲಾಗಿವೆ.
ಇದರೊಂದಿಗೆ ಅಮೆರಿಕದಲ್ಲಿ ಮಾರಕ ಸಾಂಕ್ರಾಮಿಕದಿಂದಾಗಿ ಮೃತಪಟ್ಟವರ ಸಂಖ್ಯೆ 550ನ್ನು ದಾಟಿದೆ.
ಕೊರೋನ ಪೀಡಿತರಿಗಾಗಿ ಸಿಖ್ಖರಿಂದ 30,000 ಊಟ ತಯಾರಿ
ನ್ಯೂಯಾರ್ಕ್, ಮಾ. 24: ಅಮೆರಿಕದಲ್ಲಿ ಕೊರೋನವೈರಸ್ ಸೋಂಕು ಪೀಡಿತರಾಗಿ ಪ್ರತ್ಯೇಕವಾಗಿರುವವರಿಗೆ ನ್ಯೂಯಾರ್ಕ್ನ ಸಿಖ್ ಸೆಂಟರ್ 30,000ಕ್ಕೂ ಅಧಿಕ ಮನೆಯೂಟಗಳನ್ನು ತಯಾರಿಸಿ ಪೊಟ್ಟಣಗಳಲ್ಲಿ ಕಳುಹಿಸಿಕೊಟ್ಟಿದೆ.
ಆಹಾರ ಪೊಟ್ಟಣಗಳಿಗಾಗಿ ನ್ಯೂಯಾರ್ಕ್ನ ಮೇಯರ್ ಕಚೇರಿ ಸಿಖ್ ಸಮುದಾಯವನ್ನು ಸಂಪರ್ಕಿಸಿದೆ. ಹಾಗೂ ಸಿದ್ಧಗೊಂಡ ಆಹಾರ ಪೊಟ್ಟಣಗಳನ್ನು ವಿತರಣೆಗಾಗಿ ವಿವಿಧ ಸಂಸ್ಥೆಗಳಿಗೆ ನೀಡಲಾಗಿದೆ.