ಮಲಾರ್: ತಾಜುಲ್ ಉಲಮಾ ಇಸ್ಲಾಮಿಕ್ ಸೆಂಟರ್ ಶಾಖೆ ಅಸ್ತಿತ್ವಕ್ಕೆ

ಮಂಗಳೂರು, ಜು.30: ಪಾವೂರು ಗ್ರಾಮದ ಟಿಪ್ಪು ನಗರ ಮಲಾರ್ ಪದವಿನಲ್ಲಿ ತಾಜುಲ್ ಉಲಮಾ ಇಸ್ಲಾಮಿಕ್ ಸೆಂಟರ್ ಶಾಖೆಯನ್ನು ಅಸ್ತಿತ್ವಕ್ಕೆ ತರಲಾಯಿತು.

ಪಾವೂರು ಪಂಚಾಯತ್ ಬಳಿಯಿರುವ ಸಮುದಾಯ ಭವನದಲ್ಲಿ ಕಾರ್ಯಕ್ರಮ ಜರುಗಿತು. ಕಾರ್ಯಕ್ರಮದಲ್ಲಿ ಫಾರೂಖ್ ಸಖಾಫಿ ಮಾತನಾಡಿ, ತಾಜುಲ್ ಉಲಮಾ(ಖ.ಸಿ)ರವರ ಮಹತ್ವವನ್ನು, ಅವರು ನೀಡಿದ ಕೊಡುಗೆಗಳನ್ನು ವಿವರಿಸಿದರು.

ಬಳಿಕ ಸಮಿತಿಗೆ ನೂತನ ಪದಾಧಿಕಾರಿಗಳನ್ನು ಆಯ್ಕೆ ಮಾಡಲಾಯಿತು. ಅಧ್ಯಕ್ಷರಾಗಿ ಎಂ.ಪಿ.ಹಸನ್, ಉಪಾಧ್ಯಕ್ಷರಾಗಿ ರಿಝ್ವಾನ್, ಪ್ರಧಾನ ಕಾರ್ಯದರ್ಶಿಯಾಗಿ ಫಾರೂಖ್ ಎಂ.ಪಿ, ಜೊತೆ ಕಾರ್ಯದರ್ಶಿಯಾಗಿ ಯಾಕೂಬ್, ಕೋಶಾಧಿಕಾರಿಯಾಗಿ ಅಝ್ಮಾಲ್, ಸದಸ್ಯರಾಗಿ ರಹೀಂ, ಇಕ್ಬಾಲ್, ಕಬೀರ್ ಎಂ.ಕೆ, ರಝಾಕ್ ಎಂ.ಪಿ, ಹನೀಫ್ ರವರನ್ನು ಆಯ್ಕೆಮಾಡಲಾಯಿತು.

ಸಲಾಂ ಮುಸ್ಲಿಯಾರ್ ಸ್ವಾಗತಿಸಿ, ಕಾರ್ಯದರ್ಶಿ ಫಾರೂಖ್ ಧನ್ಯವಾದ ಅರ್ಪಿಸಿದರು.