ಉಕ್ಕುಡ ಪಬ್ಲಿಕ್ ಸ್ಕೂಲ್ ನಲ್ಲಿ 'ಹಿದಾಯ ಫ್ರೆಂಡ್ಸ್' ಶ್ರಮದಾನ
Update: 2020-09-27 11:40 GMT
ವಿಟ್ಲ : ಸಮೀಪದ ಉಕ್ಕುಡ ಪಬ್ಲಿಕ್ ಸ್ಕೂಲ್ ನ ವಠಾರದಲ್ಲಿ ಉಕ್ಕುಡ ಹಿದಾಯ ಫ್ರೆಂಡ್ಸ್ ವತಿಯಿಂದ ರವಿವಾರ ಶ್ರಮದಾನ ನಡೆಯಿತು.
ಶಾಲಾ ಕಟ್ಟಡ ಮತ್ತು ಪರಿಸರದಲ್ಲಿ ಹಿದಾಯ ಫ್ರೆಂಡ್ಸ್ ನ ಸುಮಾರು 20 ಯುವಕರು ಭಾಗವಹಿಸಿ ಶ್ರಮದಾನದ ಮೂಲಕ ಶುಚಿಗೊಳಿಸಿದರು. ಮಾಲಿನ್ಯಮುಕ್ತ ಪರಿಸರವನ್ನಾಗಿ ಮಾಡಿದರು. ಹಿದಾಯ ಫ್ರೆಂಡ್ಸ್ ಅಧ್ಯಕ್ಷರಾದ ರಫೀಕ್ ವರಪಾದೆ ಅವರನ್ನು ಉಕ್ಕುಡ ಪಬ್ಲಿಕ್ ಸ್ಕೂಲ್ ಅಧ್ಯಕ್ಷರಾದ ರಶೀದ್ ವಿಟ್ಲ ಶಾಲು ಹೊದಿಸಿ ಗೌರವಿಸಿದರು.
ಉಕ್ಕುಡ ಸ್ಕೂಲ್ ಪ್ರಧಾನ ಕಾರ್ಯದರ್ಶಿ ಹನೀಫ್ ಕುದ್ದುಪದವು, ಸಂಚಾಲಕ ಅಬೂಬಕರ್ ಟೆಲಿಫೋನ್, ಕಾರ್ಯದರ್ಶಿ ಮುನೀರ್ ದರ್ಬೆ, ಸದಸ್ಯರಾದ ಮಹಮ್ಮದ್ ಟಿ.ಕೆ. ಟೋಪ್ಕೋ, ಸಿದ್ದೀಕ್ ಆಲಂಗಾರು ಉಪಸ್ಥಿತರಿದ್ದರು.