‘ಕಲಾಕಾರ್ ಪುರಸ್ಕಾರ’ ಪ್ರದಾನ

ಮಂಗಳೂರು,ನ.2: ಕಾರ್ವಾಲ್ ಕುಟುಂಬ ಮತ್ತು ಮಾಂಡ್ ಸೊಭಾಣ್ ನೀಡುವ 16ನೇ ಕಲಾಕಾರ್ ಪುರಸ್ಕಾರವನ್ನು ಅನಿವಾಸಿ ಉದ್ಯಮಿ ಲಿಯೊ ರಾಡ್ರಿಗಸ್ ಪುರಸ್ಕೃತ ಗಾಯಕಿ ಅನಿತಾ ಡಿಸೋಜರಿಗೆ ಅಬುದಾಭಿಯಲ್ಲಿ ಇತ್ತೀಚೆಗೆ ನಡೆದ ಕಾರ್ಯಕ್ರಮದಲ್ಲಿ ಪ್ರದಾನ ಮಾಡಲಾಯಿತು.

ಪುರಸ್ಕಾರವು ಸ್ಮರಣಿಕೆ ಹಾಗೂ 25,000 ರೂ. ಒಳಗೊಂಡಿದೆ. ಸನ್ಮಾನಪತ್ರವನ್ನು ಮೈಕಲ್ ಡಿಸೋಜ ವಾಚಿಸಿದರು. ಡಾ. ಪ್ರತಾಪ್ ನಾಯ್ಕಾ ಜೆ.ಸ. ಪ್ರಾಸ್ತಾವಿಕವಾಗಿ ಮತನಾಡಿದರು.ವೇದಿಕೆಯಲ್ಲಿ ಕೊಂಕಣಿ ಸಾಂಸ್ಕೃತಿಕ ಸಂಘಟನೆಯ ಮುಖಂಡರಾದ ವಲೇರಿಯನ್ ಡಿ ಆಲ್ಮೇಡಾ, ಬೆನೆಟ್ ಡಿಮೆಲ್ಲೊ, ಫ್ರಾಂಕ್ಲಿನ್ ಡಿಕುನ್ಹಾ, ಸಂಧ್ಯಾ ವಾಸ್, ಅನಿತಾರ ಪತಿ ವಿವೇಕ್ ಸೆರಾವೊ, ಪುತ್ರಿ ಅನ್ವಿಕಾ ಉಪಸ್ಥಿತರಿದ್ದರು. ಅನ್ನು ಬಂಟ್ವಾಳ್ ಕಾರ್ಯಕ್ರಮ ನಿರೂಪಿಸಿದರು.

ಮಾಂಡ್ ಸೊಭಾಣ್ 226ನೇ ತಿಂಗಳ ವೇದಿಕೆ ಸರಣಿಯಲ್ಲಿ ವಿವಿಧ ಕವಿಗಳ ಹಾಡುಗಳಿಗೆ, ಎರಿಕ್ ಒಝೇರಿಯೊ ಸ್ವರ ಸಂಯೋಜಿಸಿ, ನಿರ್ದೇಶಿಸಿದ ಪುರ್ಣಾ ಪಾತೊಳಿ - 3 ಕಾರ್ಯಕ್ರಮ ನಡೆಯಿತು.

ಜೆರಾಲ್ಡ್ ಡಿಮೆಲ್ಲೊ ಅಬುಧಾಬಿ ಗಂಟೆ ಬಾರಿಸಿ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು.