ಉಡುಪಿ: ಗ್ರಾಪಂ ಚುನಾವಣೆಗೆ ಮತಗಟ್ಟೆಗಳ ವಿವರ

ಉಡುಪಿ, ಡಿ.8: ಜಿಲ್ಲೆಯಲ್ಲಿ ಡಿ.22ರಂದು ನಡೆಯುವ ಮೊದಲ ಹಂತದ ಗ್ರಾಮ ಪಂಚಾಯತ್ ಚುನಾವಣೆಯಲ್ಲಿ ಉಡುಪಿ ತಾಲೂಕಿನ 16, ಬ್ರಹ್ಮಾವರ ತಾಲೂಕಿನ 27, ಬೈಂದೂರು ತಾಲೂಕಿನ 15, ಹೆಬ್ರಿ ತಾಲೂಕಿನ 9 ಸೇರಿದಂತೆ ಒಟ್ಟು 67 ಗ್ರಾಪಂಗಳಿಗೆ ಚುನಾವಣೆ ನಡೆಯಲಿದೆ.

ಮತಗಟ್ಟೆಗಳ ವಿವರ: ಡಿ.22ರಂದು ಮೊದಲ ಹಂತದಲ್ಲಿ, ಉಡುಪಿಯಲ್ಲಿ 124 ಸಾಮಾನ್ಯ, 28 ಸೂಕ್ಷ್ಮ, 9 ಅತೀ ಸೂಕ್ಷ್ಮ ಸೇರಿದಂತೆ ಒಟ್ಟು 161 ಮತಗಟ್ಟೆಗಳಿದ್ದು, ಹೆಬ್ರಿಯಲ್ಲಿ 62 ಮತಗಟ್ಟೆಗಳಿವೆ. ಬೈಂದೂರಿನಲ್ಲಿ 104 ಸಾಮಾನ್ಯ, 14 ಸೂಕ್ಷ್ಮ, 10 ಅತೀ ಸೂಕ್ಷ್ಮ ಸೇರಿದಂತೆ ಒಟ್ಟು 128 ಮತಗಟ್ಟೆಗಳಿವೆ. ಅಲ್ಲದೇ ಬ್ರಹ್ಮಾವರದಲ್ಲಿ 158 ಸಾಮಾನ್ಯ, 47 ಸೂಕ್ಷ್ಮ, ಸೇರಿದಂತೆ ಒಟ್ಟು 205 ಮತಗಟ್ಟೆಗಳಿರುತ್ತವೆ. ಒಟ್ಟಾರೆಯಾಗಿ ಜಿಲ್ಲೆಯಲ್ಲಿ ಪ್ರಥಮ ಹಂತದ ಚುನಾವಣೆಯಲ್ಲಿ 448 ಸಾಮಾನ್ಯ, 89 ಸೂಕ್ಷ್ಮ, 19 ಅತೀ ಸೂಕ್ಷ್ಮ ಸೇರಿದಂತೆ ಒಟ್ಟು 556 ಮತಗಟ್ಟೆಗಳಿರುತ್ತವೆ.

ಮೊದಲನೇ ಹಂತದ ಚುನಾವಣೆಗೆ, ಉಡುಪಿಯಲ್ಲಿ 16 ಚುನಾವಣಾಧಿಕಾರಿ ಗಳು ಮತ್ತು 20 ಸಹಾಯಕ ಚುನಾವಣಾಧಿಕಾರಿಗಳು, ಬ್ರಹ್ಮಾವರ ದಲ್ಲಿ 27 ಚುನಾವಣಾಧಿಕಾರಿಗಳು ಮತ್ತು 27 ಸಹಾಯಕ ಚುನಾವಣಾಧಿಕಾರಿಗಳು, ಬೈಂದೂರಲ್ಲಿ 16 ಚುನಾವಣಾಧಿಕಾರಿಗಳು ಮತ್ತು 17 ಸಹಾಯಕ ಚುನಾವಣಾಧಿಕಾರಿಗಳು, ಹೆಬ್ರಿಯಲ್ಲಿ 9 ಚುನಾವಣಾಧಿಕಾರಿಗಳು ಮತ್ತು 9 ಸಹಾಯಕ ಚುನಾವಣಾಧಿಕಾರಿಗಳು ಸೇರಿದಂತೆ ಜಿಲ್ಲೆ ಯಲ್ಲಿ ಒಟ್ಟು 68 ಚುನಾವಣಾಧಿಕಾರಿಗಳನ್ನು, 73 ಸಹಾಯಕ ಚುನಾವಣಾಧಿಕಾರಿಗಳನ್ನು ಹಾಗೂ 4 ನೋಡೆಲ್ ಅಧಿಕಾರಿಗಳನ್ನು ನೇಮಿಸಲಾಗಿದೆ.

ಮತದಾರರ ವಿವರ: ಉಡುಪಿಯಲ್ಲಿ 53,159 ಪುರುಷ ಮತ್ತು 57,281 ಮಹಿಳಾ ಮತದಾರರು, ಬ್ರಹ್ಮಾವರದಲ್ಲಿ 66,684 ಪುರುಷ, 71,970 ಮಹಿಳಾ ಮತದಾರರು, ಬೈಂದೂರಿನಲ್ಲಿ 42,910 ಪುರುಷ, 44,822 ಮಹಿಳಾ ಮತದಾರರು, ಹೆಬ್ರಿಯಲ್ಲಿ 19,654 ಪುರುಷ 20,621 ಮಹಿಳಾ ಮತದಾರರು ಸೇರಿದಂತೆ ಒಟ್ಟು 1,82,407 ಪುರುಷ, 1,94,694 ಮಹಿಳಾ ಮತ್ತು 6 ಇತರೆ ಮತದಾರರು ಸೇರಿದಂತೆ ಒಟ್ಟು 3,77,107 ಮಂದಿ ಮತದಾರರು ಮತ ಚಲಾಯಿಸಲಿದ್ದಾರೆ ಎಂದು ಜಿಲ್ಲಾಧಿಕಾರಿ ಹಾಗೂ ಜಿಲ್ಲಾ ಚುನಾವಣಾಧಿಕಾರಿ ಜಿ. ಜಗದೀಶ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.