ಕಾರು- ಆಟೋ ರಿಕ್ಷಾ ಢಿಕ್ಕಿ: ಮಹಿಳೆ ಮೃತ್ಯು

ಶಂಕರನಾರಾಯಣ, ಎ.27: ಕಾರೊಂದು ರಿಕ್ಷಾಗೆ ಢಿಕ್ಕಿ ಹೊಡೆದ ಪರಿಣಾಮ ಮಹಿಳೆಯೊಬ್ಬರು ಮೃತಪಟ್ಟ ಘಟನೆ ಎ.26ರಂದು ಮಧ್ಯಾಹ್ನ 12.30ರ ಸುಮಾರಿಗೆ ಕುಂದಾಪುರ-ಶಿವಮೊಗ್ಗ ರಾಜ್ಯ ಹೆದ್ದಾರಿಯ ಹೆನ್ನಾಬೈಲು ಸಮೀಪದ ದೊಟ್ಟನಬೇರು ಎಂಬಲ್ಲಿ ನಡೆದಿದೆ.

ಮೃತರನ್ನು ರಿಕ್ಷಾದಲ್ಲಿದ್ದ ಹೆನ್ನಾಬೈಲು ನಿವಾಸಿ ಬೀಬಿಮಾ ಎಂದು ಗುರುತಿಸ ಲಾಗಿದೆ. ರೆಹನಾ ಹಾಗೂ ಆಟೋ ಚಾಲಕ ಫರೀದ್ ಗಾಯಗೊಂಡು ಮಣಿ ಪಾಲ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಕಾರಿನಲ್ಲಿ ಪ್ರಯಾಣಿಸುತ್ತಿದ್ದ ಪುಷ್ಪಾ ಎಂಬ ವರಿಗೂ ಗಾಯ ಆಗಿರುವ ಬಗ್ಗೆ ವರದಿಯಾಗಿದೆ.

ಹೊಸಂಗಡಿ ಕಡೆಯಿಂದ ಸಿದ್ದಾಪುರ ಕಡೆಗೆ ಹೋಗುತ್ತಿದ್ದ ಶಂಕರ ಶೆಟ್ಟಿ ಎಂಬವರ ಕಾರು, ಸಿದ್ದಾಪುರ ಕಡೆಯಿಂದ ಹೊಸಂಗಡಿ ಕಡೆಗೆ ಬರುತ್ತಿದ್ದ ರಿಕ್ಷಾಗೆ ಢಿಕ್ಕಿ ಹೊಡೆಯಿತ್ತೆನ್ನಲಾಗಿದೆ. ಈ ಬಗ್ಗೆ ಶಂಕರನಾರಾಯಣ ಪೊಲೀಸ್ ಠಾಣೆ ಯಲ್ಲಿ ಪ್ರಕರಣ ದಾಖಲಾಗಿದೆ.