ತುಂಬೆ ಫಾದರ್ ಮುಲ್ಲರ್ ಆಸ್ಪತ್ರೆಗೆ 25 ಲಕ್ಷ ರೂ. ಮೌಲ್ಯದ ಪರಿಕರ ಕೊಡುಗೆ

ಮಂಗಳೂರು, ಜೂ.28: ತುಂಬೆಯ ಫಾದರ್ ಮುಲ್ಲರ್ ಆಸ್ಪತ್ರೆಯಲ್ಲಿ 41 ಕ್ಲಬ್ಸ್ ಆಫ್ ಇಂಡಿಯಾ ಮತ್ತು ರೌಂಡ್‌ಟೇಬಲ್ ಇಂಡಿಯಾ ಟ್ರಸ್ಟ್ ಸಹಯೋಗದಲ್ಲಿ ‘ವನ್ ಮೋರ್ ಬ್ರೆತ್’ ಯೋಜನೆಗೆ ಚಾಲನೆ ನೀಡಲಾಯಿತು.

ಯೋಜನೆಯಡಿ ಆಸ್ಪತ್ರೆಗೆ 25.84 ಲಕ್ಷ ರೂ. ಮೌಲ್ಯದ 25 ಬೆಡ್, 25 ಟೇಬಲ್, 2 ಕ್ರಾಷ್‌ಕಾರ್ಟ್, 2 ನೆಬ್ಯುಲರ್, 2 ಮಲ್ಟಿಪಾರಾ ಮಾನಿಟ್, 1 ಇನ್‌ಫ್ಯೂಶನ್ ಪಂತ್, 1 ಸಕ್ಷನ್ ಮೆಷಿನ್, 2 ಬಿಐಪಿ ಎಪಿಗಳು, 5 ಸಿಂಗಲ್ ಫ್ಲೋ ಆಮ್ಲಜನಕ ಸಾಂದ್ರಕ, 10 ಅವಳಿ ಹರಿವಿನ ಸಾಂದ್ರಕಗಳು, 25 ಐವಿ ಸ್ಟಾಂಡ್, 25 ದಿಂಬು, 74 ಪಿಲ್ಲೊಕೇಸ್, 75 ಬೆಡ್‌ಶೀಟ್, 75 ಟವೆಲ್ ಮತ್ತು 25 ಕುರ್ಚಿಗಳನ್ನು ದೇಣಿಗೆಯಾಗಿ ನೀಡಲಾಯಿತು.

ಫಾದರ್ ಮುಲ್ಲರ್ ಚಾರಿಟೇಬಲ್ ಸಂಸ್ಥೆಯ ನಿರ್ದೇಶಕ ರೆ.ಫಾ.ರಿಚರ್ಡ್ ಅಲೋಶಿಯಸ್ ಕೊಯೆಲ್ಹೊ ಕಾರ್ಯಕ್ರಮ ಉದ್ಘಾಟಿಸಿದರು. ಫಾದರ್ ಮುಲ್ಲರ್ ತುಂಬೆ ಆಸ್ಪತ್ರೆಯ ಆಡಳಿತಾಧಿಕಾರಿ ರೆ.ಫಾ. ಸಿಲ್ವೆಸ್ಟರ್ ವಿನ್ಸೆಂಟ್ ಲೋಬೊ, 41 ಕ್ಲಬ್ಸ್ ಆಫ್ ಇಂಡಿಯಾ ಅಧ್ಯಕ್ಷ ಡೆನ್ಸಿಲ್ ಕ್ಯಾಸ್ಟಾಲಿನೊ, ಮಂಗಳೂರು ರೌಂಡ್‌ಟೇಬಲ್ ಇಂಡಿಯಾ ಟ್ರಸ್ಟ್ ಅಧ್ಯಕ್ಷ ವಿನಯ ಫೆರ್ನಾಂಡಿಸ್, ‘ಮಂಗಳೂರು ಲೇಡಿಸ್ ಸರ್ಕಲ್ 82’ ಅಧ್ಯಕ್ಷೆ ಚರಿಷ್ಮಾ ಡಿಸಿಲ್ವ ಮತ್ತಿತರರು ಉಪಸ್ಥಿತರಿದ್ದರು.

ಕಂಕನಾಡಿ ಫಾದರ್ ಮುಲ್ಲರ್ ಆಸ್ಪತ್ರೆಯ ಆಡಳಿತಾಧಿಕಾರಿ ರೆ.ಫಾ. ರುಡಾಲ್ಫ್ ರವಿ ಡೇಸಾ, ಉಪ ಆಡಳಿತಾಧಿಕಾರಿ ಫಾ.ನೆಲ್ಸನ್ ಧೀರಜ್ ಪಯಾಸ್, ಫಾದರ್ ಮುಲ್ಲರ್ ಚಾರಿಟೇಬಲ್ ಇನ್‌ಸ್ಟಿಟ್ಯೂಷನ್‌ನ ಸರ್ ಜನೆತ್ ನೋ, ವೈದ್ಯಕೀಯ ಅಧೀಕ್ಷಕ ಡಾ.ಕಿರಣ್ ಶೆಟ್ಟಿ, ನೇತ್ರಶಾಸ್ತ್ರ ವಿಭಾಗದ ಸಹ ಪ್ರಾಧ್ಯಾಪಕ ಎಂಸಿ ಡಾ.ಸರಿತಾ ಲೋಬೊ ಮತ್ತಿತರರು ಭಾಗವಹಿಸಿದ್ದರು.

ದಂತವಿಜ್ಞಾನ ವಿಭಾಗದ ಸಹಾಯಕ ಪ್ರಾಧ್ಯಾಪಕಿ ಡಾ.ಜೋಸಿ ಮೆಂಡೋನ್ಸಾ ವಂದಿಸಿದರು. ರೌಂಡ್‌ಟೇಬಲ್ ಮಾನವೀಯ ಚಟುವಟಿಕೆಗಳ ಬಗ್ಗೆ ರೋಯ್‌ಸ್ಟರ್ ಡಿಸೋಜ ವಿವರಿಸಿದರು.

ಅಖಿಲ ಭಾರತ ಮಟ್ಟದಲ್ಲಿ ಆಸ್ಪತ್ರೆಗಳಿಗೆ 2,000ಕ್ಕೂ ಹೆಚ್ಚು ಬೆಡ್‌ಗಳನ್ನು ಮತ್ತು ಸಂಬಂಧಿತ ಸಕಲಕರಣೆಗಳನ್ನು ನೀಡುವ ಮೂಲಕ ಆಸ್ಪತ್ರೆಗಳನ್ನು ಸುಸಜ್ಜಿತಗೊಳಿಸುವ ಯೋಜನೆಯ ಅಂಗವಾಗಿ ಮಂಗಳೂರಲ್ಲಿ ಯೋಜನೆಯನ್ನು ಆರಂಭಿಸಲಾಗಿದೆ. ‘ವನ್ ಮೋರ್ ಬ್ರೆತ್’ ಯೋಜನೆಯಡಿ ಈಗಾಗಲೇ ಹುಬ್ಬಳ್ಳಿಯ ಕಿಮ್ಸ್‌ನಲ್ಲಿ 180 ಬೆಡ್ ವ್ಯವಸ್ಥೆ ಮತ್ತು ಕೊಲ್ಲಾಪುರದಲ್ಲಿ 50 ಬೆಡ್ ವ್ಯವಸ್ಥೆಗಳನ್ನು ಕಲ್ಪಿಸಲಾಗಿದೆ.
ಜತೆಗೆ 41 ಕ್ಲಬ್ಸ್ ಆಫ್ ಇಂಡಿಯಾ ಈಗಾಗಲೇ ಪುತ್ತೂರು, ಬೆಂಗಳೂರು, ಶಿವಮೊಗ್ಗ, ಹಾಸನ, ಚಿಕ್ಕಮಗಳೂರು, ತುಮಕೂರು, ದಾವಣಗೆರೆ, ಹುಬ್ಬಳ್ಳಿ, ಧಾರವಾಡ, ಬಳ್ಳಾರಿ ಮತ್ತು ಬೆಳಗಾಂನಲ್ಲಿ ಅಲೀಮ್ ಎಂಬವರ ನೇತೃತ್ವದಲ್ಲಿ 40 ಆಮ್ಲಜನಕ ಸಾಂದ್ರಕಗಳು, 9000 ಮಾಸ್ಕ್, ಬಿಐಪಿಎಪಿ ಯಂತ್ರಗಳು, ಆಕ್ಸಿಮೀಟರ್ ಮತ್ತು ಥರ್ಮೋಮೀಟರ್‌ಗಳನ್ನು ದೇಣಿಗೆಯಾಗಿ ನೀಡಿದೆ ಎಂದು ಸಂಸ್ಥೆಯ ಪ್ರಕಟನೆ ತಿಳಿಸಿದೆ.