​ಉಡುಪಿ-ಹೈದರಾಬಾದ್‌ಗಳ ನಡುವೆ ನಾನ್-ಎಸಿ ಸ್ಲೀಪರ್ ಬಸ್ ಪ್ರಾರಂಭ

ಉಡುಪಿ, ಸೆ.24: ಮಂಗಳೂರು ವಿಭಾಗದ ಉಡುಪಿ ಘಟಕದಿಂದ ಸಾರ್ವಜನಿಕ ಪ್ರಯಾಣಿಕರಿಗೆ ಪ್ರಸುತ್ತ ಕಾರ್ಯಾಚರಣೆಯಲ್ಲಿರುವ ಉಡುಪಿ- ಹೈದರಾಬಾದ್ ರಾಜಹಂಸ ವಾಹನ ಕಾರ್ಯಚರಣೆಯನ್ನು ಮೇಲ್ದರ್ಜೆಗೇರಿಸಿ ಸೆ.27ರಿಂದ ಅಪರಾಹ್ನ 3:00 ಗಂಟೆಗೆ ಉಡುಪಿ-ಹೈದರಾಬಾದ್ ನಾನ್-ಎಸಿ ಸ್ಲೀಪರ್ ವಾಹನ ಅನುಸೂಚಿ ಕಾರ್ಯಾಚಣೆಯನ್ನು ಪ್ರಾರಂಭಿಸಲಾಗುವುದು.

ಈ ಬಸ್ ಮರುದಿನ ಬೆಳಿಗ್ಗೆ 9:30ಕ್ಕೆ ಹೈದರಾಬಾದ್ ತಲುಪಲಿದ್ದು, ಹೈದರಾಬಾದ್‌ನಿಂದ ಸಂಜೆ 5:30ಕ್ಕೆ ಬಿಟ್ಟು ಮರುದಿನ ಬೆಳಿಗ್ಗೆ 11:00 ಗಂಟೆಗೆ ಉಡುಪಿ ತಲುಪಲಿದೆ. ಪ್ರಯಾಣದ ದರ 1250 ರೂ. ಎಂದು ನಿಗದಿ ಪಡಿಸಲಾಗಿದೆ. ಮುಂಗಡ ಬುಕ್ಕಿಂಗ್ ವ್ಯವಸ್ಥೆಯನ್ನು ಸಹ ಕಲ್ಪಿಸಲಾಗಿದೆ ಎಂದು ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮದ ಘಟಕ ವ್ಯವಸ್ಥಾಪಕರ ಪ್ರಕಟಣೆ ತಿಳಿಸಿದೆ.