ದ.ಕ.ಜಿಲ್ಲೆ: ಕೋವಿಡ್‌ಗೆ ನಾಲ್ಕು ಮಂದಿ ಬಲಿ; 83 ಮಂದಿಗೆ ಕೊರೋನ ಪಾಸಿಟಿವ್

ಮಂಗಳೂರು, ಸೆ.27: ಕೋವಿಡ್-19 ಸಾಂಕ್ರಾಮಿಕ ರೋಗಕ್ಕೆ ಸೋಮವಾರ ನಾಲ್ಕು ಮಂದಿ ಬಲಿಯಾಗಿದ್ದಾರೆ. ಇದರೊಂದಿಗೆ ಈವರೆಗೆ ಬಲಿಯಾದವರ ಸಂಖ್ಯೆ 1652ಕ್ಕೇರಿದೆ.

ಸೋಮವಾರ 83 ಮಂದಿಗೆ ಕೋವಿಡ್ ಪಾಸಿಟಿವ್ ಆಗಿದ್ದು, ಈವರೆಗೆ ಪಾಸಿಟಿವ್‌ಗೊಳಗಾದವರ ಸಂಖ್ಯೆ 1,14,037ಕ್ಕೇರಿದೆ. ಸೋಮವಾರ 125 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಗೊಂಡಿದ್ದಾರೆ. ಇದರೊಂದಿಗೆ ಗುಣಮುಖರಾದವರ ಸಂಖ್ಯೆ 1,11,388ಕ್ಕೇರಿದೆ. ಈವರೆಗೆ 18,36,233 ಮಂದಿಯ ತಪಾಸಣೆ ಮಾಡಲಾಗಿದೆ. ಆ ಪೈಕಿ 17,22,196 ಮಂದಿಯ ವರದಿಯು ನೆಗೆಟಿವ್ ಆಗಿದೆ. ಸೋಮವಾರದವರೆಗೆ ಜಿಲ್ಲೆಯಲ್ಲಿ 997 ಸಕ್ರಿಯ ಪ್ರಕರಣವಿದ್ದು, ಪಾಸಿಟಿವ್ ದರವು 0.98ರಷ್ಟಿದೆ.

ಈವರೆಗೆ ಕೋವಿಡ್ ನಿಯಮ ಉಲ್ಲಂಘಿಸಿದ 87,807 ಪ್ರಕರಣ ದಾಖಲಿಸಲಾಗಿದ್ದ್ದು, 1,06,73,470 ರೂ. ದಂಡವನ್ನು ವಸೂಲಿ ಮಾಡಲಾಗಿದೆ ಪ್ರಕಟನೆ ತಿಳಿಸಿದೆ.