ಬೆಂಜಮಿನ್ ಲಿಸ್ಟ್, ಡೇವಿಡ್ ಮೆಕ್ಮಿಲ್ಲನ್ ಗೆ ರಸಾಯನಶಾಸ್ತ್ರ ವಿಭಾಗದ ನೋಬೆಲ್ ಪ್ರಶಸ್ತಿ
Update: 2021-10-06 19:04 IST
ಸ್ಟಾಕ್ಹೋಂ: ಜರ್ಮನಿಯ ಬೆಂಜಮಿನ್ ಲಿಸ್ಟ್ ಹಾಗೂ ಸ್ಕಾಟ್ಲ್ಯಾಂಡ್ ಮೂಲದ ಡೇವಿಡ್ ಮೆಕ್ಮಿಲ್ಲನ್ ಅವರಿಗೆ 2021 ಸಾಲಿನ ರಸಾಯನಶಾಸ್ತ್ರದ ನೋಬೆಲ್ ಪ್ರಶಸ್ತಿ ಒಲಿದಿದೆ. ಎಸಿಮೆಟ್ರಿಕ್ ಆರ್ಗನೊಕೆಟಲಿಸಿಸ್ ಅಭಿವೃದ್ಧಿಯಲ್ಲಿ ಹಾಗೂ ಮಾಲಿಕ್ಯೂಲ್ ಬಿಲ್ಡಿಂಗ್ಗಾಗಿ ಹೊಸ ನವೀನ ಸಾಧನ ಅಭಿವೃದ್ಧಿಪಡಿಸಿದ್ದಕ್ಕಾಗಿ ಅವರಿಗೆ ಈ ಪ್ರತಿಷ್ಠಿತ ಪ್ರಶಸ್ತಿ ದೊರಕಿದೆ.
ರಾಯಲ್ ಸ್ವೀಡಿಶ್ ಅಕಾಡೆಮಿ ಆಫ್ ಸಾಯನ್ಸಸ್ ಕೊಡಮಾಡುವ ಈ ಪ್ರಶಸ್ತಿಯ ವಿಜೇತರಿಗೆ 10 ಮಿಲಿಯನ್ ಸ್ವೀಡಿಷ್ ಕ್ರೌನ್ಗಳು (1.14 ಮಿಲಿಯನ್ ಡಾಲರ್) ನಗದು ಬಹುಮಾನ ದೊರಕಲಿದೆ.