ಭಾರತಕ್ಕೆ ʼರಫೇಲ್ʼ ಮಾರಾಟ ಮಾಡಲು ಮಧ್ಯವರ್ತಿಗೆ 7.5 ಮಿ. ಯೂರೋ ಲಂಚ ಪಾವತಿಸಲಾಗಿದೆ: ಫ್ರೆಂಚ್ ಮಾಧ್ಯಮ ಆರೋಪ
Update: 2021-11-08 09:05 GMT
ಹೊಸದಿಲ್ಲಿ: ಫ್ರಾನ್ಸ್ ನ ಏರ್‌ ಕ್ರಾಫ್ಟ್‌ ತಯಾರಿಕಾ ಕಂಪೆನಿ ಡಸಾಲ್ಟ್‌ ಏವಿಯೇಶನ್‌ ರಫೇಲ್ ಕುರಿತಾದ ಡೀಲ್‌ ಗಳನ್ನು ಪಡೆಯಲು ಕನಿಷ್ಠ 7.5 ಮಿಲಿಯನ್‌ ಯೂರೋ (650 ಮಿಲಿಯನ್‌ ರೂ.)ಗಳನ್ನು ಮಧ್ಯವರ್ತಿಯೋರ್ವರಿಗೆ ಲಂಚವಾಗಿ ಪಾವತಿಸಿದೆ. ಸಾಕ್ಷ್ಯಾಧಾರಗಳ ಹೊರತಾಗಿಯೂ ತನಿಖಾ ಸಂಸ್ಥೆಗಳು ತನಿಖೆ ಮಾಡಲು ವಿಫಲವಾಗಿದೆ ಎಂದು ಫ್ರೆಂಚ್ ಪೋರ್ಟಲ್ ಮೀಡಿಯಾಪಾರ್ಟ್ ತನ್ನ ನೂತನ ವರದಿಯಲ್ಲಿ ಆರೋಪಿಸಿದೆ. 59,000 ಕೋಟಿ ರೂ. ರಫೇಲ್ ಡೀಲ್‌ನಲ್ಲಿನ ಭ್ರಷ್ಟಾಚಾರದ ಆರೋಪದ ಬಗ್ಗೆ ಈ ಮಾಧ್ಯಮವು ತನಿಖೆ ನಡೆಸುತ್ತಿದೆ.
ಮಧ್ಯವರ್ತಿ ಸುಷೇನ್ ಗುಪ್ತಾಗೆ ರಹಸ್ಯ ಕಮಿಷನ್‌ಗಳನ್ನು ಪಾವತಿಸಲು ಡಸಾಲ್ಟ್‌ಗೆ ಅನುವು ಮಾಡಿಕೊಟ್ಟಿದೆ ಎಂದು ಮೀಡಿಯಾಪಾರ್ಟ್ ʼಸುಳ್ಳು ಇನ್‌ವಾಯ್ಸ್‌ʼಗಳನ್ನು ಪ್ರಕಟಿಸಿದೆ. "ಈ ದಾಖಲೆಗಳ ಅಸ್ತಿತ್ವದ ಹೊರತಾಗಿಯೂ, ಭಾರತೀಯ ಫೆಡರಲ್ ಪೊಲೀಸರು ಈ ಸಂಬಂಧವನ್ನು ಮುಂದುವರಿಸದಿರಲು ನಿರ್ಧರಿಸಿದ್ದಾರೆ ಮತ್ತು ಇನ್ನೂ ತನಿಖೆಯನ್ನು ಪ್ರಾರಂಭಿಸಿಲ್ಲ" ಎಂದು ಮೀಡಿಯಾಪಾರ್ಟ್ ಆರೋಪಿಸಿದೆ.
ಮೀಡಿಯಾಪಾರ್ಟ್‌ನ "ರಫೇಲ್ ಪೇಪರ್‌ಗಳ" ತನಿಖೆಯು ಜುಲೈನಲ್ಲಿ ಫ್ರಾನ್ಸ್‌ನಲ್ಲಿ ಭ್ರಷ್ಟಾಚಾರ, ದಂಧೆ ಆರೋಪಗಳ ಮೇಲೆ ನ್ಯಾಯಾಂಗ ತನಿಖೆ ನಡೆಸುವಂತೆ ಪ್ರಚೋದಿಸಿತು. ಸುಷೇನ್ ಗುಪ್ತಾ ಎಂಬ ವ್ಯಕ್ತಿಯು ಆಗಸ್ಟಾವೆಸ್ಟ್‌ಲ್ಯಾಂಡ್‌ನಿಂದ ಮಾರಿಷಸ್, ಇಂಟರ್‌ಸ್ಟೆಲ್ಲರ್ ಟೆಕ್ನಾಲಜೀಸ್‌ನಲ್ಲಿ ನೋಂದಾಯಿತ ಶೆಲ್ ಕಂಪನಿಯ ಮೂಲಕ ಲಂಚ ಪಡೆದ ಆರೋಪ ಎದುರಿಸುತ್ತಿದ್ದಾರೆ.
ರಫೇಲ್ ಡೀಲ್‌ನಲ್ಲಿ ಭ್ರಷ್ಟಾಚಾರ ನಡೆದಿದೆ ಎಂದು ಆರೋಪಿಸಿ ಅಧಿಕೃತ ದೂರು ಸ್ವೀಕರಿಸಿದ ಒಂದು ವಾರದ ನಂತರ ಅಕ್ಟೋಬರ್ 11, 2018 ರಂದು ದಾಖಲೆಗಳನ್ನು ಸಿಬಿಐಗೆ ಕಳುಹಿಸಲಾಗಿದೆ. "ಆದಾಗ್ಯೂ, ಸಿಬಿಐ ತನಿಖೆಯನ್ನು ನಡೆಸದಿರಲು ನಿರ್ಧರಿಸಿತು, ಆ ಭ್ರಷ್ಟಾಚಾರದ ದೂರು ದಾಖಲಾದ ಕೇವಲ ಏಳು ದಿನಗಳ ನಂತರ ಈ ರಹಸ್ಯ ಆಯೋಗಗಳಿಗೆಲ್ಲಾ ಹಣ ಪಾವತಿ ಮಾಡಲಾಗಿದೆ ಎಂಬುವುದನ್ನು ಸಾಬೀತುಪಡಿಸುವ ಮಾಹಿತಿಯನ್ನು ಪಡೆದಿದೆ." ಎಂದು ವರದಿ ಉಲ್ಲೇಖಿಸಿದೆ.