'ಸಿಟಿ ಗೋಲ್ಡ್ ಶಾಪಿಂಗ್ ಫೆಸ್ಟಿವಲ್' ನ ದ್ವಿತೀಯ ಲಕ್ಕಿ ಡ್ರಾ
Update: 2021-12-10 23:26 IST
ಮಂಗಳೂರು, ಡಿ.10: ನಗರದ ಕಂಕನಾಡಿಯ ಬೈಪಾಸ್ ರಸ್ತೆಯಲ್ಲಿರುವ 'ಸಿಟಿ ಗೋಲ್ಡ್' ನಲ್ಲಿ ನಡೆಯುತ್ತಿರುವ 'ಶಾಪಿಂಗ್ ಫೆಸ್ಟಿವಲ್' ನ ಎರಡನೇ ವಾರದ ಲಕ್ಕಿ ಡ್ರಾ ಶುಕ್ರವಾರ ನಡೆಯಿತು.
ಮುಖ್ಯ ಅತಿಥಿಯಾಗಿ ಭಾಗವಹಿಸಿದ್ದ ಮಂಗಳೂರಿನ ಮೇಕಪ್ ಆರ್ಟಿಸ್ಟ್ ಸಾಜಿದಾ ಹಾರಿಸ್ ಮೊದಲ ವಾರದ ಲಕ್ಕಿಡ್ರಾ ವಿಜೇತರಾದ ಬಜಾಲ್ ಪಡೀಲ್ನ ಪುಷ್ಪಾ ಅವರಿಗೆ ವಜ್ರದ ಉಂಗುರ ವಿತರಿಸಿದರು.
ಮುಖ್ಯ ಅತಿಥಿ ಮಂಗಳೂರಿನ ಪ್ರಸೂತಿ ತಜ್ಞೆ ಡಾ. ತಮೀಝಾ ಫರಾಹತ್ ಎರಡನೇ ವಾರದ ಅದೃಷ್ಟದ ಚೀಟಿ ಎತ್ತಿದರು. ಈ ಬಹುಮಾನವು ಉಜಿರೆಯ ಅನುಮ್ ಅಕ್ಸಾ ಅವರ ಪಾಲಾಯಿತು. ಸಿಂಡಿಕೇಟ್ ಬ್ಯಾಂಕ್ನ ನಿವೃತ್ತ ಮ್ಯಾನೇಜರ್ ನಿರ್ಮಲಾ ನವೀನ್ ಅತಿಥಿಯಾಗಿದ್ದರು.
ದೀಪಾವಳಿ ಹಬ್ಬದ ಪ್ರಯುಕ್ತ ಏರ್ಪಡಿಸಲಾದ ಲಕ್ಕಿಡ್ರಾದಲ್ಲಿ ಕಾರ್ಕಳದ ನಝೀಮಾ 'ಮೊಬೈಲ್' ಗೆದ್ದುಕೊಂಡರು.
ಈ ಸಂದರ್ಭ ಸಿಟಿ ಗೋಲ್ಡ್ನ ಬ್ರಾಂಚ್ ಮ್ಯಾನೇಜರ್ ಅಹ್ಮದ್ ಹಫೀಝ್, ಮಾರ್ಕೆಟಿಂಗ್ ಮ್ಯಾನೇಜರ್ ಇಮ್ರಾನ್ ವಿ., ಮತ್ತಿತರರು ಉಪಸ್ಥಿತರಿದ್ದರು.
ಮಂಗಳೂರು, ಪುತ್ತೂರು, ಕಾಸರಗೋಡಿನಲ್ಲಿರುವ ಸಿಟಿ ಗೋಲ್ಡ್ನಲ್ಲಿ ಶಾಪಿಂಗ್ ಫೆಸ್ಟಿವಲ್ಗೆ ನವೆಂಬರ್ 19ರಂದು ಚಾಲನೆ ನೀಡಲಾಗಿತ್ತು.
2022ರ ಮಾರ್ಚ್ವರೆಗೆ ನಡೆಯುವ ಈ ಫೆಸ್ಟಿವಲ್ ಸಂದರ್ಭ ವಿಶೇಷ ಕೊಡುಗೆಯನ್ನೂ ಘೋಷಿಸಲಾಗಿದೆ. ಈ ಮಹಾಮೇಳದಲ್ಲಿ ವಿಶೇಷವಾಗಿ ವಿನ್ಯಾಸಗೊಳಿಸಿದ ಚಿನ್ನಾಭರಣಗಳ ಸಂಗ್ರಹವಲ್ಲದೆ ದೇಶ ವಿದೇಶದ ಆಧುನಿಕ ಹಾಗೂ ಸಾಂಪ್ರದಾಯಿಕ ಚಿನ್ನಾಭರಣ ವಿನ್ಯಾಸ ಲಭ್ಯವಿದೆ.
ಅಭೂತಪೂರ್ವ ನೆಕ್ಲೆಸ್, ಬಳೆಗಳು, ಕಿವಿಯೋಲೆ ಮತ್ತು ಉಂಗುರಗಳನ್ನು ಒಳಗೊಂಡಿದೆ. ಫೆಸ್ಟಿವಲ್ ಸಂದರ್ಭ ತಯಾರಿಕಾ ವೆಚ್ಚದಲ್ಲಿ ವಿಶೇಷ ಕೊಡುಗೆಯೊಂದಿಗೆ ಪ್ರತಿ ದಿನ ಅನೇಕ ಬಹುಮಾನ ಗೆಲ್ಲುವ ಅವಕಾಶವನ್ನೂ ಕಲ್ಪಿಸಲಾಗಿದೆ ಎಂದು ಪ್ರಕಟನೆ ತಿಳಿಸಿದೆ.