ರಾಜ್ಯಮಟ್ಟದ ಓಪನ್ ಟ್ವೆಕಾಂಡೋ ಚಾಂಪಿಯನ್ ಶಿಪ್: ದ.ಕ. ಜಿಲ್ಲೆಗೆ 9 ಪದಕ
Update: 2021-12-17 12:32 IST
ಬೆಂಗಳೂರು : ಕರ್ನಾಟಕ ಟೇಕ್ವಾಂಡೋ ಅಕಾಡೆಮಿ ವತಿಯಿಂದ ರಾಜ್ಯಮಟ್ಟದ ಓಪನ್ ಟ್ವೆಕಾಂಡೋ ಚಾಂಪಿಯನ್ ಶಿಪ್ ನಲ್ಲಿ ದ.ಕ. ಜಿಲ್ಲೆಯ ಟ್ವೆಕಾಂಡೋ ಪಟುಗಳು ಚಿನ್ನ, ಬೆಳ್ಳಿ, ಕಂಚು ಸಹಿತ 9 ಪದಕಗಳನ್ನು ಪಡೆದು ರಾಷ್ಟ್ರ ಮಟ್ಟಕ್ಕೆ ಆಯ್ಕೆಯಾಗಿದ್ದಾರೆ.
ಕರ್ನಾಟಕ ಟೇಕ್ವಾಂಡೋ ಅಕಾಡೆಮಿ ನಗರದ ಶ್ರೀ ಕಂಠೀರವ ಒಳಾಂಗಣ ಕ್ರೀಡಾಂಗಣದಲ್ಲಿ ಇತ್ತಿಚೆಗೆ ನಡೆದ ರಾಜ್ಯ ಓಪನ್ ಟೆಕ್ವಾಂಡೋ ಚಾಂಪಿಯನ್ ಶಿಪ್-2021 ಕ್ರೀಡಾಕೂಟದಲ್ಲಿ ಕ್ಯೊರೊಗಿ (ಫೈಟಿಂಗ್) ಮತ್ತು ಪೊಂಸೆ ಹಾಗೂ ಅಯಾ ವಯಸ್ಸಿನ ವಲಯ ಮಿತಿ ವಿಭಾಗದಲ್ಲಿ ದಕ್ಷಿಣ ಕನ್ನಡ ಜಿಲ್ಲಾ ತಂಡದಿಂದ ಪ್ರತಿನಿಧಿಸಿದ ದಕ್ಷಿಣ ಕನ್ನಡ ಕ್ರಿಡಾಪಟುಗಳು 6 ಚಿನ್ನ , 2 ಬೆಳ್ಳಿ , 1ಕಂಚು ಪದಕಗಳನ್ನು ಪಡೆದು ರಾಷ್ಟ ಮಟ್ಟಕ್ಕೆ ಟೇಕ್ವಾಂಡೋ ಚ್ಯಾಂಪಿಯನ್ ಶಿಪ್ ಗೆ ಆಯ್ಕೆ ಆಗಿದ್ದರೆ.
8 ವರ್ಷ ಅಡಿಯ ಫೈಟಿಂಗ್ ವಿಭಾಗದಲ್ಲಿ ಮುಹಮ್ಮದ್ ರಾಹಿಪ್ ಚಿನ್ನ ಹಾಗೂ ಮುಹಮ್ಮದ್ ರಿಹಾಮ್ ಘನಿ ಪೊಂಸೆ ವಿಭಾಗ ದಲ್ಲಿ ಕಂಚಿನ ಪದಕ ಹಾಗೂ 10 ವರ್ಷ ಅಡಿಯ ಫೈಟಿಂಗ್ ವಿಭಾಗದಲ್ಲಿ ಮುಹಮ್ಮದ್ ಮುಸ್ತಫಾ ಚಿನ್ನ , 12 ವರ್ಷ ಅಡಿಯ ಫೈಟಿಂಗ್ ವಿಭಾಗದಲ್ಲಿ ಮುಹಮ್ಮದ್ ಪೈಝಲ್ ಚಿನ್ನ ಹಾಗೂ ಪೊಂಸೆ ವಿಭಾಗದಲ್ಲಿ ಮುಹಮ್ಮದ್ ಮಿಶಾಲ್ ಚಿನ್ನ, 14 ವರ್ಷ ವಯೋಮಿತಿ 55 ಕೆಜಿ ವಿಭಾಗದಲ್ಲಿ ಮುಹಮ್ಮದ್ ಅಯಾನ್ ಚಿನ್ನ, 45 ಕೆಜಿ ವಿಭಾಗದಲ್ಲಿ ಮುಹಮ್ಮದ್ ನಿಹಲ್ ನಝೀರ್ ಚಿನ್ನ
ಹಾಗೂ 15 ವರ್ಷ ಮೇಲ್ಪಟ್ಟ ವಯಸ್ಸಿನ ವಿಭಾಗದ 18 ವರ್ಷ ವಯೋಮಿತಿಯಲ್ಲಿ ಮುಹಮ್ಮದ್ ಶಿರ್ಹಾನ್ ಬೆಳ್ಳಿ ಪದಕ ಹಾಗೂ
20 ವರ್ಷ ವಯಮಿತಿ ಯಲ್ಲಿ ಮುಹಮ್ಮದ್ ಶಹಬನ್ ಬೆಳ್ಳಿ ಪದಕ ಗಳನ್ನು ಪಡೆದು ಜ.7, 8- 2022ರಂದು ಊಟಿ ರಾಷ್ಟ್ರ ಮಟ್ಟದ ಟೇಕ್ವಾಂಡೋ ಚ್ಯಾಂಪಿಯನ್ ಶಿಪ್ ಗೆ ಆಯ್ಕೆಯಾಗಿದ್ದರೆ.
ಇವರು ದಕ್ಷಿಣ ಕನ್ನಡ ಜಿಲ್ಲೆಯ ಟ್ವೆಕಾಂಡೋ ತರಬೇತಿ ಕೇಂದ್ರಗಳಾಗಿರುವ ಪಾಣೆಮಂಗಳೂರಿನ ಫಿಟ್ಟೆಸ್ ಮಲ್ಟಿ ಜಿಂ ಮತ್ತು ಮಾರ್ಷಲ್ ಆರ್ಟ್ಸ್ ಸೆಂಟರ್ ಹಾಗೂ ಎಕ್ಸ್ಟ್ರೀಂ ಫೈಟ್ ಕ್ಲಬ್ ಸುರತ್ಕಲ್ ಕೇಂದ್ರದಲ್ಲಿ ಟ್ವೆಕಾಂಡೋ ತರಬೇತಿಯನ್ನು ಪಡೆದಿದ್ದು, ಜಿಲ್ಲಾ ಮುಖ್ಯ ಟ್ವೆಕಾಂಡೋ ತರಬೇತುದಾರ ಇಸಾಕ್ ಇಸ್ಮಾಯಿಲ್ ನಂದಾವರ ಹಾಗೂ ಸಹಾಯಕ ತರಬೇತುದಾರ ಶಹಬನ್ ಟಿಕೆಡಿ ಕುಳಾಯಿ ಅವರು ತರಬೇತಿ ನೀಡಿದ್ದಾರೆ.