ಪಶ್ಚಿಮ ಬಂಗಾಳ: ಐಒಸಿಎಲ್ ಸಂಸ್ಕರಣಾಗಾರದಲ್ಲಿ ಅಗ್ನಿ ಅವಘಡ;ಮೂವರು ಮೃತ್ಯು, 44 ಮಂದಿಗೆ ಗಾಯ
ಕೋಲ್ಕತಾ: ಪಶ್ಚಿಮ ಬಂಗಾಳದ ಹಲ್ದಿಯಾದಲ್ಲಿರುವ ಇಂಡಿಯನ್ ಆಯಿಲ್ ಕಾರ್ಪೊರೇಷನ್ ರಿಫೈನರಿಯಲ್ಲಿ ಸಂಭವಿಸಿದ ಅಗ್ನಿ ಅವಘಡದಲ್ಲಿ ಕನಿಷ್ಠ ಮೂವರು ಸಾವನ್ನಪ್ಪಿದ್ದಾರೆ ಹಾಗೂ 44 ಮಂದಿ ಗಾಯಗೊಂಡಿದ್ದಾರೆ ಎಂದು ಸುದ್ದಿ ಸಂಸ್ಥೆ ಪಿಟಿಐ ವರದಿ ಮಾಡಿದೆ.
ಈ ಘಟನೆಯು ರಿಫೈನರಿಯ ಘಟಕದಲ್ಲಿ ಸ್ಥಗಿತಗೊಂಡ ಸಂಬಂಧಿತ ಕೆಲಸಗಳ ಸಮಯದಲ್ಲಿ ಸಂಭವಿಸಿದೆ ಎಂದು ಐಒಸಿ ಹೇಳಿಕೆಯಲ್ಲಿ ಹೇಳಿದೆ.
ಫ್ಲಾಶ್ ಬೆಂಕಿಯಿಂದಾಗಿ 44 ಜನರಿಗೆ ಸುಟ್ಟ ಗಾಯವಾಗಿದ್ದು, ಮೂರು ಜನರು ದುರದೃಷ್ಟವಶಾತ್ ತೀವ್ರ ಗಾಯಗಳಿಗೆ ಬಲಿಯಾಗಿದ್ದಾರೆ ಎಂದು ಅದು ಹೇಳಿದೆ.
ಬೆಂಕಿಯನ್ನು ನಂದಿಸಲಾಗಿದ್ದು, ಪರಿಸ್ಥಿತಿ ನಿಯಂತ್ರಣದಲ್ಲಿದೆ ಎಂದು ಐಒಸಿ ತಿಳಿಸಿದೆ.
ಗಾಯಗೊಂಡ 44 ಮಂದಿಯಲ್ಲಿ 37 ಮಂದಿಯನ್ನು ಕೋಲ್ಕತ್ತಾದ ಆಸ್ಪತ್ರೆಗೆ ದಾಖಲಿಸಲಾಗುತ್ತಿದೆ ಎಂದು ಪುರ್ಬಾ ಮೇದಿನಿಪುರ ಜಿಲ್ಲೆಯ ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಇವರಲ್ಲಿ ಏಳು ಮಂದಿಯ ಸ್ಥಿತಿ ಚಿಂತಾಜನಕವಾಗಿದೆ.
ರಿಫೈನರಿ ಅಗ್ನಿ ಅವಘಡದಲ್ಲಿ ಮೂವರ ಸಾವಿಗೆ ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಸಂತಾಪ ವ್ಯಕ್ತಪಡಿಸಿದ್ದಾರೆ.
#Breaking| Massive blast at Haldia’s Naptha-Hydrogen mixing plant at Indian Oil Corporation Ltd. Three dead and 42 injured. Fire is under control now. pic.twitter.com/WAaPZ93Nk1
— Pooja Mehta (@pooja_news) December 21, 2021